News November 1, 2025
జూబ్లీ బైపోల్: విచిత్ర హామీలు.. విస్తుపోతున్న ఓటర్లు
నవ్విపోదురు గాక నాకేటి.. అన్నట్లు జూబ్లీహిల్స్ ఉప ఎన్నికలో పోటీచేస్తున్న అభ్యర్థులు ఓటర్లకు విచిత్ర హామీలను ఇస్తున్నారు. ‘మీ అపార్ట్‌మెంట్‌లో సీసీ కెమెరాలు పెట్టిస్తాం.. స్విమ్మింగ్ పూల్ ఏర్పాటు చేయిస్తాం.. మీ సంక్షేమ సంఘం కార్యాలయానికి పెద్ద.. పెద్ద టీవీలను ఇస్తాం’ అంటూ ఓటర్ల వద్ద ఇష్టమొచ్చిన హామీలిస్తున్నారు. ‘అయినా గెలిచిన తరువాత మాకు కనిపిస్తారా ఏంటి?’ అని ఓటర్లు తమలో తాము అనుకుంటున్నారు.
Similar News
News November 2, 2025
మణికొండలో రూ.300 కోట్ల విలువైన భూమిని కాపాడిన హైడ్రా
HYD మణికొండలో రూ.300 కోట్ల విలువైన ప్రభుత్వ భూమి, పార్కు స్థలాలను క‌బ్జాదారుల నుంచి హైడ్రా విముక్తి చేసింది. ప‌శ్చిమ ప్లాజా స‌మీపంలో ఎలాంటి ప‌త్రాలు లేని ఎక‌రం ప్రభుత్వ భూమిని స్వాధీనం చేసుకుని, క‌బ్జాదారుల‌ను ఖాళీ చేయించింది. వెంకటేశ్వర కాలనీ, తిరుమల హిల్స్‌లోని మొత్తం 7,650 గజాల రెండు పార్కు స్థలాలను కూడా హైడ్రా తిరిగి తీసుకుంది. ఈ స్థలాల్లో హైడ్రా బోర్డులు, ఫెన్సింగ్‌ను ఏర్పాటు చేసింది.
News November 2, 2025
HYD: BHEL విజిలెన్స్ వారోత్సవంలో హైడ్రా కమిషనర్
HYD BHEL విజిలెన్స్ వారోత్సవంలో హైడ్రా కమిషనర్ ఏవీ రంగనాథ్ పాల్గొన్నారు. ఆయన మాట్లాడుతూ.. అవినీతి నిర్మూలనకు వ్యవస్థలు, చట్టాలు, పౌరుల హక్కులపై అందరిలోనూ అవగాహన అవసరమని అన్నారు. హైడ్రా చేపట్టిన చర్యల వల్ల ప్రజల్లో చెరువుల FTL, బఫర్, నాలాల అవశ్యకతపై అవగాహన పెరిగి, ప్రభుత్వ భూముల పరిరక్షణకు సహకరిస్తున్నారని తెలిపారు. ఈ కార్యక్రమంలో BHEL E.D కేబీరాజా, ఇతర ఉద్యోగులు పాల్గొన్నారు.
News November 2, 2025
HYD: KTR రోడ్ షోలో మహేశ్‌బాబు డైలాగ్‌తో ఫ్లెక్సీ
జూబ్లీహిల్స్ ఉపఎన్నిక ప్రచారం జోరందుకుంది. శనివారం రాత్రి రహమత్‌నగర్‌లో జరిగిన KTR రోడ్ షోలో ఓ కార్యకర్త మహేశ్‌బాబు డైలాగ్‌తో ఉన్న ఫ్లెక్సీని ప్రదర్శించగా ప్రస్తుతం సోషల్ మీడియాలో వైరల్‌గా మారింది. ‘దస్ దిన్‌కే బాద్.. ఇదరీ మిలేంగి.. జెండా పాతేంగి’ అని బిజినెస్‌మెన్ మూవీలోని డైలాగ్ ఫ్లెక్సీని ప్రదర్శించాడు. ‘పది రోజుల్లో ఇక్కడే కలుద్దాం.. BRS జెండా ఎగరేద్దాం’ అంటూ ఆ పార్టీ నేతలు అన్నారు.