News November 12, 2025
జల సంరక్షణలో జనగామకు రూ.కోటి నజరానా..!
జన భాగస్వామ్యంతో జల సంరక్షణలో అద్భుత ఫలితాలు సాధించినందుకు గాను జనగామ జిల్లాకు కేంద్ర జల శక్తి మంత్రిత్వ శాఖ రూ.కోటి నజరానా ప్రకటించింది. కలెక్టర్ రిజ్వాన్ బాషా ఆధ్వర్యంలో అధికారులు, ప్రజల భాగస్వామ్యంతో గతేడాది 2024 ఏప్రిల్ నుంచి 30,569 ఇంకుడుగుంతల నిర్మాణం చేపట్టినందుకు గాను జాతీయ స్థాయిలో గుర్తింపు దక్కింది. ఈనెల 18న రాష్ట్రపతి ముర్ము చేతుల మీదుగా నజరానా అందుకోనున్నారు.
Similar News
News November 12, 2025
పెద్దపల్లి: ‘బీసీ విద్యార్థులు వెంటనే దరఖాస్తు చేయాలి’
2024-25, 2025-26 విద్యా సంవత్సరాలకు ప్రీ మెట్రిక్ ఉపకారవేతనాల కోసం దరఖాస్తులు ఆహ్వానిస్తున్నట్లు PDPL జిల్లా బీసీ సంక్షేమ అధికారి రంగారెడ్డి తెలిపారు. ప్రభుత్వ పాఠశాలలో చదువుతున్న 9వ, 10వ తరగతి BC విద్యార్థులు తమ అర్హతల ప్రకారం www.telanganaepass.cgg.gov.in ద్వారా ఫ్రెష్ లేదా రెన్యువల్ దరఖాస్తులు చేసుకోవాలని సూచించారు. దరఖాస్తు ప్రక్రియలో విద్యార్థులకు సహకరించాల్సిందిగా ప్రధానోపాధ్యాయులను కోరారు.
News November 12, 2025
పెద్దపల్లి: ‘17% లోపు తేమతోనే ధాన్యం తీసుకురావాలి’
రైతులు వరి ధాన్యాన్ని 17%లోపు తేమ వచ్చాక మాత్రమే కొనుగోలు కేంద్రాలకు తీసుకురావాలని బుధవారం పెద్దపల్లి కలెక్టర్ కోయ శ్రీ హర్ష ఒక ప్రకటనలో తెలిపారు. పొలంనుంచి నేరుగా కాకుండా ముందుగా బాగా ఆరబెట్టాలని, రాత్రిపూట ప్లాస్టిక్ కవర్లు కప్పి తేమ పెరగకుండా చూడాలని చెప్పారు. నాణ్యమైన ధాన్యం తీసుకువస్తే అదే రోజు కాంటా వేసి మిల్లులకు తరలిస్తామని తెలిపారు. రైతులు ఇబ్బందులు ఎదుర్కోకుండా సూచనలు పాటించాలని కోరారు.
News November 12, 2025
హైదరాబాద్‌లో జగిత్యాల వాసి అనుమానాస్పద మృతి
వ్యక్తి అనుమానాస్పదస్థితిలో మృతిచెందిన ఘటన HYDలోని మియాపూర్ PS పరిధిలో జరిగింది. పోలీసులు తెలిపిన వివరాలు.. జగిత్యాల జిల్లా వెల్గటూర్ మండలం కోటిలింగాలకు చెందిన సతీశ్ మియాపూర్‌లోని హాస్టల్‌లో ఉంటూ డెలివరీ బాయ్‌గా పనిచేస్తున్నాడు. సోమవారం రాత్రి సతీశ్ హాస్టల్‌లోని తన రూమ్‌లో అపస్మారక స్థితిలో పడి ఉండటంతో హాస్టల్ యజమాని చూడగా అప్పటికే మృతిచెందాడు. పోలీసులకు సమాచారం ఇవ్వగా వారొచ్చి కేసు నమోదు చేశారు.