News November 14, 2025

జనగామ: ట్రాక్టర్ ఢీకొని విద్యార్థిని మృతి

జనగామ జిల్లాలో విషాదం జరిగింది. స్థానికులు తెలిపిన వివరాలు.. దేవరుప్పుల మండలం రాంబోజిగూడెంకు చెందిన 8వ తరగతి విద్యార్థిని పూజ(14) సైకిల్‌పై పాఠశాలకు వెళ్తోంది. ఈ క్రమంలో చిన్నమాడూరులో ఇసుక ట్రాక్టర్ వెనుక నుంచి సైకిల్‌ను ఢీకొంది. ఈ ప్రమాదంలో తీవ్రంగా గాయపడిన విద్యార్థినిని జనగామ ఆసుపత్రికి తరలించగా, అప్పటికే మృతి చెందినట్లు వైద్యులు నిర్ధారించారు. మరిన్ని వివరాలు తెలియాల్సి ఉంది.