News November 26, 2025
NRPT: కలెక్టరేట్‌లో మీడియా సెంటర్ ప్రారంభం
ఎన్నికల కమిషన్ ఆదేశాల మేరకు బుధవారం కలెక్టర్ సిక్తా పట్నాయక్‌తో కలిసి ఎస్పీ డాక్టర్ వినీత్ కలెక్టరేట్‌లో మీడియా సెంటర్‌ను ప్రారంభించారు. జీపీ ఎన్నికల ప్రవర్తనా నియమావళి అమలులో భాగంగా ఈ కేంద్రాన్ని ఏర్పాటు చేసినట్లు తెలిపారు. అభ్యర్థుల పత్రికా ప్రకటనలు, సోషల్ మీడియా ప్రచారం, పోస్టులపై నిఘా ఉంటుందని వారు స్పష్టం చేశారు. ఈ కార్యక్రమంలో డీపీఆర్‌ఓ రషీద్ పాల్గొన్నారు.
Similar News
News November 29, 2025
వాకాడు: తీరంలో ఎగసిపడుతున్న కెరటాలు
దిత్వా తుఫాను ముంచుకొస్తున్న నేపథ్యంలో జలపాతాలు, వాగులు, నదీ ప్రాంతాలు, ప్రమాదకర పర్యాటక ప్రాంతాలను తాత్కాలికంగా మూసివేశారు. అలాగే మూడు రోజులపాటు సముద్రంలో చేపల వేటకు వెళ్లొద్దని మత్స్యకారులకు ఆ శాఖ అధికారి రాజేశ్ సూచించారు. వాకాడు మండలంలోని తూపిలి పాలెం సముద్రతీరంలో కెరటాలు బలంగా తీరాన్ని తాకుతున్నాయి.
News November 29, 2025
వరంగల్: సర్పంచ్ అభ్యర్థికి రూ.500.. వార్డు సభ్యులకు రూ.200
పంచాయతీ ఎన్నికల్లో ఖర్చులు భారీగానే ఉండబోతున్నాయి. ఓటుకు నోటు పక్కాగా ఇవ్వాల్సిందే. ఉమ్మడి వరంగల్‌లోని ఒక్కో ఊరిలో ఒక్కో రకంగా రేటు ఫిక్స్ చేస్తున్నారు. సర్పంచ్ అభ్యర్థికి రూ.500 నుంచి రూ.వేయి, వార్డు సభ్యులకు రూ.200 వరకు ఫిక్స్ చేసినట్లు సమాచారం. ఈ ఎన్నికల్లో సర్పంచ్‌లు ఎంత ఖర్చు చేస్తారో వాటిని మళ్లీ.. MPTC, ZPTC ఎన్నికల్లో తిరిగి సంపాదించే ఛాన్సు ఉండటంతో అభ్యర్థులు ఖర్చుకు వెనుకాడట్లేదట. SHARE
News November 29, 2025
అడక్కుండానే తిరుపతికి అన్నీ ఇచ్చారుగా.!
తిరుపతికి శ్రీవారి ఆలయం తిరుగులేని మకుటం. ఇప్పుడు శ్రీహరికోట, ఫ్లెమ్మింగో ఫెస్టివల్ సైతం కొత్త అందాలను తీసుకొచ్చాయి. వాటితోపాటూ కనుపూరు ముత్యాలమ్మ, వెంకటగిరి పోలేరమ్మ జాతర, గూడూరు జెండా పండగ సైతం జిల్లా శిగలో చేరాయి. పెంచలకోన, అతిపెద్ద మట్టికట్ట జలాశయం కండలేరు సైతం తిరుపతిలో కలవడంతో జిల్లాలో పర్యాటక ప్రాంతాల సంఖ్య మరింత పెరిగింది. రాయలసీమకు సముద్రం ఇచ్చారంటూ జిల్లా వాసులు సంబర పడుతున్నారు.