News November 27, 2025

ఖమ్మం: సర్పంచ్ అభ్యర్థి.. కోటి రూపాయల మ్యానిఫెస్టో

image

నేలకొండపల్లి(M) ముఠాపురం గ్రామ పంచాయతీ సర్పంచ్ పదవికి పోటీ చేస్తున్న అభ్యర్థి ఒకరు గ్రామాభివృద్ధిపై భారీ మ్యానిఫెస్టోను ప్రకటించి సంచలనం సృష్టించారు. తాను సర్పంచ్‌గా ఎన్నికైతే, కోటి రూపాయల వరకు సొంత ఖర్చుతో గ్రామంలో అభివృద్ధి పనులు చేపడతానని హామీ ఇచ్చారు. అలాగే గ్రామాభివృద్ధి అవసరాల కోసం ఎకరం భూమిని విరాళంగా ఇస్తానని ప్రకటించడం స్థానికంగా చర్చనీయాంశమైంది. ఈ ప్రకటనతో గ్రామంలో ఎన్నికలు హీటెక్కాయి.

Similar News

News November 29, 2025

జనగామ: సమయపాలన పాటించని పల్లె దవాఖానాలు!

image

గ్రామీణ ప్రజలకు వైద్య సేవలు అందించేందుకు ప్రభుత్వం ఏర్పాటు చేసిన పల్లె దవాఖానాలలో సమయపాలన కొరవడింది. ఉదయం నుంచి సాయంత్రం వరకు విధులు నిర్వర్తించాల్సి ఉన్నా, గానుగుపహడ్, వడ్లకొండ గ్రామాల్లోని దవాఖానాలు మధ్యాహ్నం సమయంలోనే తాళాలు వేసి వెళ్తున్నారనే ఆరోపణలు వస్తున్నాయి. దీనివల్ల రోగులకు ఇబ్బందులు తప్పడం లేదు.

News November 29, 2025

నన్ను చిన్న చూపు చూస్తున్నారు: తిరుపతి జిల్లా MLA

image

తిరుపతి కలెక్టరేట్‌లో శనివారం జరిగిన విజిలెన్స్ అండ్ మానిటరింగ్ కమిటీ సమావేశంలో అధికారులపై సత్యవేడు MLA ఆదిమూలం ఫైరయ్యారు. తాను దళితుడు కావడంతో చిన్న చూపు చూస్తున్నారని ఆవేదన వ్యక్తం చేశారు. తహశీల్దార్లు, పోలీసు అధికారులు కనీసం తన మాటకు విలువ ఇవ్వడం లేదన్నారు. పార్టీ నేతకు ఎందుకు ప్రోటోకాల్ ఇస్తున్నారని ప్రశ్నించారు. సీఎం వద్దే అసలు విషయం తేల్చుకుంటానంటూ ఆయన సమావేశాన్ని బాయ్‌కాట్ చేశారు.

News November 29, 2025

సూర్యాపేట: ఊరి పరువు తీస్తున్నారు..!

image

బాగా చదువుకుని మంచి ఉద్యోగాలు చేస్తూ ఊరి పేరును నిలబెట్టే యువతను మనం తరచూ వార్తల్లో చూస్తూ ఉంటాం. కానీ నడిగూడెం (M) వల్లాపురంలో మాత్రం యువత ఆ గ్రామం పరువు తీస్తున్నారు. బాగా చదువుకుని ఆ తెలివిని మంచికి ఉపయోగించాల్సింది పోయి పెడదారి పట్టారు. ఇప్పటికే 146 మందిపై కేసులయ్యాయి. ఎంతో కొంత నాలెడ్జ్ ఉన్న వారికీ ట్రేడింగ్ గురించి చెప్పి వారినీ సైబర్ ఊబిలో నెట్టారు. ఏం జరుగుతుందోనని వారిలో టెన్షన్ మొదలైంది.