News November 28, 2025
వరంగల్ MGMలో లంచగొండిలు.. ఒకరి తొలగింపు
MGM ఆసుపత్రిలో తల వెంట్రుకలను తొలగించడానికి ఓ అవుట్ సోర్సింగ్ ఉద్యోగి లంచం అడిగి అడ్డంగా బుక్కయ్యాడు. జిల్లాకు చెందిన ఓ మహిళ తన బంధువు సర్జరీ కొసం రాగా, వెంట్రుకలను తొలగించానికి సదరు ఉద్యోగి శీను డబ్బులు అడిగాడు. లంచగొండిని పట్టించాలనే ఉద్దేశ్యంతో ఆమె డబ్బులు ఇస్తున్న సమయంలో ఫోన్లో వీడియోతీసి ఉన్నతాధికారులకు పంపింది. దీంతో ఆ ఉద్యోగిని తొలగించారు. మరో మేల్ నర్సు లంచం వ్యవహారంపైనా విచారణ జరుగుతోందట.
Similar News
News November 29, 2025
ఆదిలాబాద్: జోష్‌లో INC, BRS పార్టీలు..!
ఆదిలాబాద్ జిల్లా వ్యాప్తంగా పంచాయతీ ఎన్నికల నేపథ్యంలో అధికారిక కాంగ్రెస్, ప్రధాన ప్రతిపక్ష బీఆర్ఎస్ నేతలు జోష్‌లో ఉన్నారు. తొలి విడతలో భాగంగా శనివారం(నేడు) చివరి తేదీ కావడంతో తమ సర్పంచ్ ఆశావహుల అభ్యర్థులను బరిలో దింపుతున్నారు. డిసెంబర్ 11న పోలింగ్ ఉండటంతో రేపటి నుంచి ముమ్మరంగా ప్రచారానికి సిద్ధమవుతున్నారు. పంచాయతీ ఎన్నికలపై ఇరు పార్టీలో ఫోకస్ పెడుతున్నారు.
News November 29, 2025
KMR: ఎన్నికల ఫీవర్.. గెలుపే లక్ష్యంగా అప్పులు
కామారెడ్డి జిల్లాలో ఎన్నికల కోలాహలం మొదలైంది. బరిలో దిగుతున్న అభ్యర్థులు గెలుపే లక్ష్యంగా భారీగా ఖర్చులకు సిద్ధమవుతున్నారు. గెలుపు కోసం అభ్యర్థులు ఆస్తులు అమ్ముకోవడానికి, తనఖా పెట్టడానికి కూడా వెనుకాడడం లేదు. తమ బంధువుల ద్వారా అప్పులు తెచ్చి మరీ ప్రచారాన్ని హోరెత్తించడానికి రంగం సిద్ధం చేసుకుంటున్నారు. దీంతో ఎన్నికల సందడితో పాటు, అభ్యర్థులు అప్పుల ఊబిలో కూరుకుపోయే ప్రమాదం కూడా కనిపిస్తోంది.
News November 29, 2025
NZB: మరణించిన 12 ఏళ్ల తర్వాత రూ.9.42 లక్షల పరిహారం
2013లో ప్రమాదవశాత్తు మరణించిన డిగ్రీ విద్యార్థి కుటుంబానికి ఎట్టకేలకు తెలంగాణ ప్రభుత్వం నుంచి ఉపశమనం లభించింది. భైంసాకు చెందిన చంద్రకాంత్ 12 సంవత్సరాల క్రితం NZBలోని BC హాస్టల్‌లోని 4వ అంతస్తు నుంచి పడిపోయాడు. తండ్రి పరుశురామ్ పరిహారం కోసం కోర్టులకు వెళ్లగా బాధిత కుటుంబానికి అనుకూలంగా హైకోర్టు తీర్పు ఇచ్చింది. బీసీ సంక్షేమ శాఖ రూ.9.42 లక్షలు పరిహారం చెల్లించాలని ఆదేశించింది.