News November 28, 2025
ఆదిలాబాద్: సంతానం కలగడం లేదని వ్యక్తి SUICIDE
మద్యం మత్తులో వ్యక్తి ఆత్మహత్య చేసుకున్న ఘటన ఉట్నూర్ మండలంలో బుధవారం జరిగింది. SI ప్రవీణ్ తెలిపిన వివరాల ప్రకారం.. మండలంలోని నాగాపూర్‌కు చెందిన సయ్యద్ యూసుఫ్(58)కు సంతానం కలగడం లేదని మనస్తాపం చెందాడు. దీంతో మద్యానికి బానిసయ్యాడు. బుధవారం మద్యం మత్తులో ఇంట్లో ఉరేసుకున్నాడు. గమనించిన భార్య భాను ఆసుపత్రికి తరలించగా అప్పటికే మృతిచెందినట్లు వైద్యులు నిర్ధారించారు. భార్య ఫిర్యాదు మేరకు కేసు నమోదైంది.
Similar News
News November 29, 2025
తిరుపతి: అర్హత లేకున్నా.. ఐఫోన్, వెండి కోసం ఆశపడి!
తిరుమలకు కల్తీ నెయ్యి సరఫరా చేసిన డెయిరీలను తనిఖీ చేయకుండా A-29 సుబ్రహ్మణ్యం కాంట్రాక్టు అప్పగించినట్లు CIT పేర్కొంది. 2022లో కల్తీ నెయ్యిపై ఓవ్యక్తి ఛైర్మన్‌కు ఫిర్యాదు చేయగా.. తనిఖీ చేయాలంటూ బోర్డ్ ఆదేశించింది. అయితే ల్యాబ్ రిపోర్ట్‌ను సుబ్రహ్మణ్యం ఉన్నతాధికారులకు చూపించలేదట. అంతేకాకుండా ఆయన రూ.16,700 విలువ చేసే వెండి ప్లేట్లు, ఖరీదైన ఐఫోన్, రూ.3.50 లక్షల నగదును డెయిరీల నుంచి తీసుకున్నారట.
News November 29, 2025
MHBD: శాంతియుత ఎన్నికల కోసం పోలీసులు సిద్ధం: SP
గ్రామపంచాయతీ ఎన్నికలను శాంతియుతంగా నిర్వహించేందుకు అన్ని భద్రత ఏర్పాట్లు చేశామని SP శబరీష్ తెలిపారు. 137 సమస్యాత్మక గ్రామాలు, వెయ్యి మేరకు వార్డులను కేంద్రాలను గుర్తించి అక్కడ పటిష్ఠ బందోబస్తు, అదనపు బలగాలు ఏర్పాటు చేయనునట్లు తెలిపారు. చెక్ పోస్టులతో పాటు ఫ్లెయింగ్ స్క్వాడ్, స్టాటిక్ సర్వేలెన్స్ టీమ్స్ కఠిన తనిఖీలు జరుగుతాయన్నారు. డబ్బు, మద్యం పంపిణీ జరిగినట్లు తేలితే కఠిన చర్యలు తీసుకుంటామన్నారు.
News November 29, 2025
కరీంనగర్: మాజీ కార్పొరేటర్ భార్య ఆత్మహత్య
KNR నగరంలో ఓ మాజీ కార్పొరేటర్ భార్య ఆరోగ్య సమస్యలతో ఎలుకల మందు తాగి ఆత్మహత్య చేసుకొని చికిత్స పొందుతూ మృతిచెందినట్లు 3 టౌన్ CI జాన్ రెడ్డి తెలిపారు. కిసాన్ నగర్‌కు చెందిన మాజీ కార్పొరేటర్ కుర్ర తిరుపతి భార్య తిరుమల(40) కొంతకాలంగా ఆరోగ్య సమస్యలతో బాధపడుతున్నారు. ఆసుపత్రులు చుట్టూ తిరిగితిరిగి నయం కాకపోవడంతో విసిగిపోయారు. బుధవారం పురుగుల మందు తాగగా ఆసుపత్రిలో చికిత్స పొందుతూ నిన్న ప్రాణాలు వదిలారు.