News November 28, 2025
తండాల్లో ఏకగ్రీవాల జోరు.. రుద్రంగి(M)లో 4 పంచాయతీలు ఏకగ్రీవం
సిరిసిల్ల జిల్లాలోని రుద్రంగి మండలంలో ఇప్పటివరకు నాలుగు సర్పంచ్ స్థానాలు ఏకగ్రీవమయ్యాయి. నామినేషన్ల స్వీకరణ తొలిరోజు గురువారం ముగ్గురు సర్పంచ్ అభ్యర్థులు ఏకగ్రీవం అయ్యారు. గైదిగుట్ట తండా సర్పంచ్‌గా ఇస్లావత్ కిషన్, వీరుని తండా సర్పంచ్‌గా గుగులోత్ మంజుల, చింతామణి తండా సర్పంచ్‌గా గుగులోత్ సింధుజ ఏకగ్రీవం అయ్యారు. ఇక బుధవారం రూప్లానాయక్ తండా సర్పంచ్‌గా భూక్య జవహర్‌లాల్‌ను గ్రామస్థులు ఏకగ్రీవం చేశారు.
Similar News
News November 29, 2025
4 గంటల్లోనే విశాఖ-హైదరాబాద్..!
విశాఖ-హైదరాబాద్ మధ్య కేవలం 4 నుంచి 5 గంటల్లోనే ప్రయాణం చేసేయొచ్చు. దీని కోసం 2 సెమీ హైస్పీడ్ కారిడార్లను రైల్వే శాఖ అభివృద్ధి చేయనుంది. ఈ మార్గంలో 200-220 KM వేగంతో అప్ గ్రేడ్ చేసిన రైళ్లు నడపాలని యోచిస్తున్నారు. దీనికి తొలి అడుగుగా సర్వే చేసినట్లు సమాచారం. ఈ ప్రాజెక్ట్ పూర్తి అయితే ప్రయాణికులకు సమయం ఆదా కానుంది. ఇది సౌత్ ఇండియాలోనే వేగవంతమైన ఇంటర్‌సిటీ రైలు మార్గాల్లో ఒకటిగా నిలువనుంది.
News November 29, 2025
ADB: కారు దూసుకెళ్తుందా..? బోర్లా పడుతుందా..?
స్థానిక సంస్థల ఎన్నికలు గులాబీ పార్టీకి సవాలుగా మారాయి. పదేళ్లపాటు అధికారంలో ఉన్న పార్టీ కార్యక్రమాలు కొన్నిచోట్ల అసలుకే కనిపించడం లేదు. ADBలో జోగు రామన్న, అనిల్ జాదవ్ పార్టీని నడిపిస్తుండగా.. ASFలో కోవ లక్ష్మి, RSP ముందుకు తీసుకెళ్లగా ఇప్పుడు పార్టీకి కోనప్ప జతకలిశారు. కానీ NRML, MNCL జిల్లాల్లో జాన్సన్ నాయక్ మినహా యాక్టివ్‌గా పనిచేసేవారు కనిపించట్లేదు. వీటి నుంచి BRS గట్టెక్కుతుందా.
News November 29, 2025
మెస్సీ మ్యాచ్.. టికెట్ రేట్ రూ.30వేలు
ఫుట్‌బాల్ స్టార్ మెస్సీ మ్యాచ్‌కు HYD సిద్ధమవుతోంది. DEC 13న ప్రభుత్వం ఉప్పల్ స్టేడియంలో నిర్వహించే ఈ మ్యాచ్ టికెట్ల విక్రయం ప్రారంభమైంది. స్టార్టింగ్ ధర రూ.1,750 కాగా గరిష్ఠంగా రూ.30వేల వరకు ఉన్నాయి. రూ.30వేల టికెట్ బుక్ చేసుకున్నవారికి హాస్పిటాలిటీ ఫెసిలిటీ కల్పించనున్నారు. డిస్ట్రిక్ జొమాటో యాప్‌లో టికెట్లు కొనుగోలు చేయవచ్చు. మెస్సీ మ్యాచ్ కావడంతో సెలబ్రిటీలు భారీగా తరలివచ్చే అవకాశం ఉంది.