News November 28, 2025
అమ్రాబాద్ మండలంలో 14.0 డిగ్రీల కనిష్ఠ ఉష్ణోగ్రత
నాగర్ కర్నూల్ జిల్లాలో నిన్నటితో పోల్చుకుంటే ఈరోజు చలి తీవ్రత పెరిగింది. గడిచిన 24 గంటల్లో నమోదైన ఉష్ణోగ్రతలను అధికారులు శుక్రవారం ఉదయం ప్రకటించారు. అమ్రాబాద్ మండలంలో 14.0 డిగ్రీల కనిష్ఠ ఉష్ణోగ్రత నమోదైంది. కల్వకుర్తి మండలం తోటపల్లిలో 14.5, వెల్దండ 14.6, బిజినపల్లి 14.8, తెలకపల్లి 14.9, తాడూరులో 15.0 డిగ్రీల కనిష్ఠ ఉష్ణోగ్రత నమోదైంది. దీంతో ఉదయం వేళలో ప్రజలు తీవ్ర ఇబ్బందులు ఎదుర్కొంటున్నారు.
Similar News
News November 29, 2025
లక్ష్మీదేవికి ఇష్టం లేని, దారిద్ర్యం తెచ్చే పనులు
ఉదయాన్నే ఇల్లు, వాకిలి శుభ్రం చేయకపోవడం, సాయంత్రం సంధ్యా దీపం పెట్టకపోవడం, భోజనం చేసిన తర్వాత నోటిని శుభ్రం చేసుకోకపోవడం వంటి పనులు లక్ష్మీదేవికి ఇష్టం ఉండవని పండితులు చెబుతున్నారు. లేవగానే అరవడం, సరిగా వండని ఆహారాన్ని తినడం, తడిబట్టలతో భోజనం చేయడం, మంచం, కుర్చీలపై కూర్చొని భుజించడం కూడా అశుభం అంటున్నారు. ఇలాంటి పనులు ఇంటికి దారిద్ర్యాన్ని తెస్తాయని, అందుకే మానుకోవాలని సూచిస్తున్నారు.
News November 29, 2025
మీజిల్స్ మరణాల్లో 88% తగ్గుదల: WHO
మీజిల్స్(తట్టు)పై పోరాటంలో చాలా వరకు సఫలమైనట్లు WHO ప్రకటించింది. విస్తృత వ్యాక్సిన్ పంపిణీ వల్ల 24ఏళ్లలో మీజిల్స్ మరణాల్లో 88% తగ్గుదల నమోదైందని చెప్పింది. అంటే 59మిలియన్ చిన్నారుల ప్రాణాలు కాపాడినట్లు అయిందని తాజా నివేదికలో వెల్లడించింది. మరణాల్లో తగ్గుదల ఉన్నప్పటికీ కేసులు పెరుగుతున్నాయని పేర్కొంది. 2024లో ప్రపంచ వ్యాప్తంగా 84% మంది పిల్లలు వ్యాక్సిన్ ఫస్ట్ డోస్ తీసుకున్నట్లు వెల్లడించింది.
News November 29, 2025
మీజిల్స్ లక్షణాలివే!
మీజిల్స్ అనేది అంటువ్యాధి. ఐదేళ్లలోపు పిల్లలపై ఎక్కువగా ప్రభావం చూపుతుంది. ఇది సోకినప్పుడు జ్వరం, దగ్గు, ముక్కు కారడం శరీరంపై దద్దుర్లు వస్తాయి. శ్వాసకోశ వ్యవస్థపై ప్రభావం చూపుతుంది. వైరస్ సోకిన తర్వాత న్యుమోనియా, చెవి ఇన్ఫెక్షన్లు, మెదడు వాపు వంటి తీవ్రమైన సమస్యలకూ దారి తీసే ఆస్కారముంది. WHO రూల్స్ ప్రకారం రెండు డోసుల MMR వ్యాక్సిన్‌తో 95% వైరస్ సోకకుండా ఆపొచ్చని వైద్యులు చెబుతున్నారు.