News November 28, 2025
NTR: ఆ MLA తీరు అంతేనా.? షాక్‌కి గురైన నేతలు, అధికారులు.!
మంత్రి సత్యకుమార్ ఆధ్వర్యంలో విజయవాడలో నిన్న జరిగిన వైద్య సేవల సమీక్షలో MLA తీరు చర్చనీయాంశమైంది. పాత ప్రభుత్వాసుపత్రిలో చివరి దశకు చేరుకున్న క్రిటికల్ కేర్ యూనిట్ నిర్మాణంలో రూ.3కోట్ల అవినీతి జరిగిందంటూ విజయవాడకు చెందిన ఓ MLA ఆరోపించారు. నిర్మాణం నిలిపివేసి విచారణ జరపాలని పట్టుబట్టడంతో, తీవ్ర ఇబ్బందుల్లో ఉన్న రోగుల పరిస్థితిని పట్టించుకోకుండా MLA మాట్లాడటంపై సమావేశంలో అసహనం వ్యక్తమైంది.
Similar News
News November 29, 2025
అంతరకృషి సాద్యం కాకపోతే.. వేరుశనగలో కలుపు నివారణ ఎలా?
వేరుశనగలో అంతరకృషి సాద్యం కాని పక్షంలో, కలుపు 2-4 ఆకుల దశలో ఉండి, ఎక్కువగా గడ్డి జాతి కలుపు మొక్కలుంటే ఎకరాకు 200 లీటర్ల నీటిలో క్విజాలొపాప్ ఇథైల్ 5% ఇ.సి 400ml లేదా ప్రొపాక్విజాఫాప్ 10% ఇ.సి 250ml మందును కలిపి పిచికారీ చేయాలి. పొలంలో గడ్డి జాతి, వెడల్పాకు కలుపు ఎక్కువగా ఉంటే ఎకరానికి 40గ్రా. ఇమజితపైర్ 35% + ఇమజామ్యాక్స్ 35% W.G ద్రావకాన్ని ఎకరానికి 200 లీ. నీటిలో కలిపి పిచికారి చేయాలి.
News November 29, 2025
తిరుమల కల్తీ నెయ్యి.. ఫిర్యాదుదారుడిపైనే కేసు.!
తిరుమల కల్తీ నెయ్యి ఘటనపై GM హోదాలో మురళీకృష్ణ తిరుపతి ఈస్ట్ పోలీస్ స్టేషన్‌లో ఫిర్యాదు చేశారు. తాజాగా సిట్ పొందుపరిచిన నిందితులు జాబితాలో ఆయన పేరు కూడా ఉంది. TTD సాంకేతిక కమిటీలో సభ్యుడిగా ఉండి డెయిరీల ప్రతినిధులతో చేతులు కలిపి కల్తీ నెయ్యి సరఫరాకు సహకరించారనేది ఆరోపణ. దీంతో ఆ కమిటీ సభ్యులుగా ఉన్న వారిని కేసులో నిందితులుగా చేరుస్తూ సిట్ మెమోలో పొందుపరిచింది.
News November 29, 2025
నల్గొండ: స్కాలర్‌షిప్‌ల తిప్పలు.. విద్యార్థులకు ఇక్కట్లు
స్కాలర్‌షిప్‌ దరఖాస్తు గడువు సమీపిస్తుండగా, కుల, ఆదాయ ధ్రువపత్రాలు అందక ఉమ్మడి నల్గొండ జిల్లాలో విద్యార్థులు, తల్లిదండ్రులు ఆందోళన చెందుతున్నారు. ఎన్నికల విధుల్లో అధికారులు బిజీగా ఉండడం, ఆన్‌లైన్ సైట్లు మొరాయించడంతో మీ-సేవ కేంద్రాల వద్ద బారులు తీరారు. విద్యార్థుల సమస్యలు పరిష్కరించాలని, తక్షణ సర్వీసులు అందించాలని తల్లిదండ్రులు కోరుతున్నారు.