News November 28, 2025
MDK: గ్రామపంచాయతీ ఎన్నికల ఏర్పాట్లపై కలెక్టర్ సమీక్ష
మెదక్ జిల్లా కలెక్టర్ కార్యాలయంలో గ్రామపంచాయతీ ఎన్నికల నిర్వహణపై శుక్రవారం కీలక సమీక్ష జరిగింది. కలెక్టర్ రాహుల్ రాజ్ అధ్యక్షతన జరిగిన ఈ సమావేశంలో అదనపు కలెక్టర్‌తో పాటు డీపీఓ, జడ్పీ సీఈఓ పాల్గొన్నారు. ఎన్నికల ఏర్పాట్లు, పర్యవేక్షణ, అమలు చర్యలను వివరంగా పరిశీలించిన కలెక్టర్, ప్రతి దశలో క్రమశిక్షణ, సమన్వయం, పారదర్శకతను పాటించాలని అధికారులకు సూచించారు.
Similar News
News November 29, 2025
తూప్రాన్: ఉరేసుకుని ఆటో డ్రైవర్ ఆత్మహత్య
ఉరేసుకొని ఆటో డ్రైవర్ ఆత్మహత్య చేసుకున్న ఘటన తూప్రాన్ పట్టణంలో చోటు చేసుకుంది. మహారాష్ట్రకు చెందిన సుధీర్ సాహు తూప్రాన్‌లోని కింది వాడకట్టు వద్ద అద్దెకు ఉంటూ ఆటో నడుపుకుంటూ జీవనం కొనసాగిస్తున్నాడు. శుక్రవారం అర్ధరాత్రి ఇంట్లో ఎవరూ లేని సమయంలో ఉరేసుకొని ఆత్మహత్యకు పాల్పడాడు. మృతుడికి భార్య ఇద్దరు ఆడపిల్లలు ఉన్నారు. ఘటన స్థలానికి చేరుకున్న పోలీసులు మృతదేహాన్ని తూప్రాన్ మార్చురికీ తరలించారు.
News November 29, 2025
మెదక్ జిల్లా స్థాయి వైజ్ఞానిక ప్రదర్శన
మెదక్ వెస్లీ పాఠశాలలో డిసెంబర్ 3, 4, 5 తేదీల్లో నిర్వహించే జిల్లా స్థాయి వైజ్ఞానిక ప్రదర్శనను విజయవంతం చేయాలని డీఈవో విజయ, జిల్లా సైన్స్ అధికారి రాజిరెడ్డి తెలిపారు. విద్యార్థులు ప్రదర్శించే ఎగ్జిబిట్స్ శాస్త్రీయ దృక్పథాన్ని పెంచే విధంగా ఉండాలని సూచించారు. శాస్త్ర సాంకేతిక, రవాణా, వాతావరణ కాలుష్యం, కంప్యూటర్ రంగం వంటి వివిధ భాగాల్లో ప్రదర్శనలు ఏర్పాటు చేయాలన్నారు.
News November 28, 2025
మెదక్: తాత్కాలికంగా ప్రజావాణి వాయిదా
గ్రామ పంచాయతీ ఎన్నికల నేపథ్యంలో ఎన్నికలు ముగిసే వరకు ప్రజావాణి కార్యక్రమాన్ని తాత్కాలికంగా వాయిదా వేస్తున్నట్లు జిల్లా ఎన్నికల అధికారి, కలెక్టర్ రాహుల్ రాజ్ శుక్రవారం తెలిపారు. హెల్ప్ డెస్క్ ద్వారా మాత్రమే ఫిర్యాదులు స్వీకరించబడునున్నారు. ఈ విషయాన్ని జిల్లా ప్రజలు గమనించి సహకరించాలని విజ్ఞప్తి చేశారు.