News November 28, 2025
కొమురం భీం జిల్లా SC-ST టీచర్స్ ఫెడరేషన్ కమిటీ ఎన్నిక
ఎస్సీ, ఎస్టీ టీచర్స్ ఫెడరేషన్ కొమురం భీం జిల్లా శాఖ 2026-28 పదవీకాలానికి ఎన్నికలు రెబ్బెన జడ్పీహెచ్‌ఎస్‌లో రాష్ట్ర సలహాదారు జాడి కేశవ్, రాష్ట్ర ప్రధాన కార్యదర్శి మేడి చరణ్ దాస్ ఆధ్వర్యంలో నిర్వహించారు. అధ్యక్షుడిగా దుర్గం తులసిరామ్, ప్రధాన కార్యదర్శిగా వడ్లూరి రాజేష్ ఎంపికయ్యారు. ఉపాధ్యాయుల సమస్యలు, రిజర్వేషన్ల అమలు, అంబేడ్కర్ భావాల సాధనకు కృషి చేస్తామని నాయకులు పేర్కొన్నారు.
Similar News
News November 29, 2025
సంగారెడ్డి: నేటి నుంచి ప్రభుత్వ పాఠశాలల పర్యవేక్షణ
జిల్లాలో ఏర్పాటు చేసిన పర్యవేక్షణ టీంలు నేటి నుంచి ప్రభుత్వ ప్రాథమిక, ప్రాథమికోన్నత, ఉన్నత పాఠశాలలను పర్యవేక్షించనున్నట్లు జిల్లా విద్యాధికారి వెంకటేశ్వర్లు తెలిపారు. ఈ బృందాలు పాఠశాలలో విద్యార్థులకు అందుతున్న బోధన, మౌలిక సదుపాయాలు, మధ్యాహ్న భోజనం, విద్యాశాఖ ద్వారా అమలవుతున్న కార్యక్రమాలను పరిశీలించనున్నట్లు డీఈఓ తెలిపారు.
News November 29, 2025
BREAKING: ప్రకాశం: RTC బస్సు – కారు ఢీ
దోర్నాల(M) శ్రీశైలం ఘాట్ రోడ్ లో చింతల వద్ద ఆర్టీసీ సూపర్ లగ్జరీ బస్సు – కారు ఢీ కొన్నాయి. ప్రమాదంలో కారు బోల్తా పడగా అందులో ఉన్న పలువురికి స్వల్ప గాయాలయ్యాయి. దీంతో ఘాట్ రోడ్డులో ట్రాఫిక్ అంతరాయం ఏర్పడింది. దోర్నాల పోలీసులు ట్రాఫిక్ క్లియర్ చేశారు. మరింత సమాచారం తెలియాల్సి ఉంది.
News November 29, 2025
మిరపలో ఎండు తెగులును ఎలా నివారించాలి?
ఎండు తెగులు ఆశించిన మిరప మొక్క ఆకులు పైకి లేదా లోపలికి ముడుచుకుపోతాయి. మొదట్లో ఆకులు కొద్దిగా పసుపు రంగులోకి మారడం, వాడిపోవడం జరిగి కొన్ని రోజుల్లో మొక్కలు వడలిపోయి, పడిపోయి చనిపోతాయి. ఎండు తెగులు నివారణకు 200 లీటర్ల నీటిలో కాపర్ ఆక్సిక్లోరైడ్ 50% WP-1000 గ్రాములను కలిపి పిచికారీ చేయాలి. కిలో విత్తనానికి 4 గ్రాముల ట్రైకోడెర్మావిరిడి లేదా 2 గ్రాముల కార్బెండజిమ్‌తో విత్తనశుద్ధి చేయాలి.