News November 29, 2025
కాళోజీ వర్సిటీ ఇష్యూ.. చెడ్డపేరు తెస్తే ఉపేక్షించం: రేవంత్
TG: కాళోజీ వర్సిటీ వ్యవహారాలపై సీఎం రేవంత్ రెడ్డి ఆగ్రహం వ్యక్తం చేశారు. పేపర్ల మూల్యాంకనంలో అవకతవకలతో పాటు ఇన్‌ఛార్జుల నియామకంలో ఆరోపణలపై ఆయన ఆరా తీశారు. ఉన్నతాధికారుల నుంచి వివరణ కోరారు. బాధ్యులపై కఠిన చర్యలు తీసుకోవాలని ఆదేశించారు. ప్రభుత్వానికి చెడ్డపేరు తెస్తే ఉపేక్షించబోమని ఆయన హెచ్చరించారు. ఇప్పటికే పలు ఆరోపణలతో కాళోజీ వర్సిటీ వీసీ డా.నందకుమార్ రిజైన్ చేసిన విషయం తెలిసిందే.
Similar News
News November 29, 2025
2700 పోస్టులు.. అప్లైకి ఎల్లుండే లాస్ట్ డేట్
బ్యాంక్ ఆఫ్ బరోడా(BOB)లో 2,700 అప్రెంటిస్ పోస్టులకు అప్లై చేయడానికి ఎల్లుండే ఆఖరు తేదీ. డిగ్రీ ఉత్తీర్ణులైనవారు అప్లై చేసుకోవచ్చు. మొత్తం అప్రెంటిస్‌లలో TGలో 154, APలో 38 ఉన్నాయి. NATS/ NAPS పోర్టల్ ద్వారా రిజిస్ట్రేషన్ చేసుకోవాలి. ఆన్‌లైన్ ఎగ్జామ్, డాక్యుమెంట్ వెరిఫికేషన్, లోకల్ లాంగ్వేజ్ టెస్ట్ ద్వారా ఎంపిక చేస్తారు. మరిన్ని ఉద్యోగ నోటిఫికేషన్ల కోసం <<-se_10012>>జాబ్స్ <<>>కేటగిరీకి వెళ్లండి.
News November 29, 2025
ఫోలిక్ యాసిడ్ అందరికీ అవసరమే
ఫోలిక్ యాసిడ్ గర్భిణులే తీసుకోవాలని చాలామంది అనుకుంటారు. కానీ ఇది అందరికీ అవసరమే అంటున్నారు ఆరోగ్య నిపుణులు. దీని వల్ల పెద్దపేగు, గర్భాశయ, క్లోమ గ్రంథి క్యాన్సర్లు, అల్జీమర్స్ రాకుండా ఉంటాయి. రోగనిరోధకశక్తి పెరుగుతుంది. ఆకుకూరలు, చిక్కుడుజాతి గింజ‌లు, ప‌ప్పులు, సిట్రస్ ఫ్రూట్స్, ట‌మాట, మటన్ లివర్, బ్రౌన్ రైస్‌, ప‌ల్లీలు, పుట్ట‌గొడుగులు, బొప్పాయి, క్యారెట్లు, బీట్‌రూట్‌‌లో ఫోలిక్ యాసిడ్ ఉంటుంది.
News November 29, 2025
పెరటి కోళ్ల పెంపకానికి అనువైన రకాలివే..
కొన్ని జాగ్రత్తలు తీసుకుంటే నాటుకోళ్ల కంటే పెరటి కోళ్ల పెంపకంతోనే అధిక ఆదాయం సాధ్యమంటున్నారు వెటర్నరీ నిపుణులు. వనరాజ, గ్రామప్రియ, గ్రామలక్ష్మి, వనశ్రీ, రాజశ్రీ, గాగస్, కడక్‌నాథ్, ఆసిల్ వంటి పెరటి కోళ్ల రకాలు పెంపకానికి అనువైనవి. వనశ్రీ, రాజశ్రీ కోళ్లు 6 నెలల్లోనే 2.5- 3 KGల వరకు బరువు పెరుగుతాయి. పెరటి కోళ్లు ఏటా 150-180 గుడ్లు పెడతాయి. ఇలా మాంసం, గుడ్లతో 2 విధాల పెంపకందారులు ఆదాయం పొందవచ్చు.