News November 29, 2025
MHBD: చలికాలంలో పల్లెల్లో ఎన్నికల వేడి..!

చలికాలం పల్లెల్లో ఎన్నికల వేడి మొదలైంది. MHBD జిల్లాలో ఎన్నికల షెడ్యూల్ అమల్లోకి రావడంతో పల్లె పోరుకు రె‘ఢీ’ అవుతున్నారు. పల్లెల్లో రాజకీయ చర్చలు జరుగుతున్నాయి. సర్పంచ్, వార్డు సభ్యులుగా ఎవరిని నిలపాలి? ఏ కుటుంబానికి గ్రామంలో బలం ఉంది? గతంలో పనిచేసిన, గ్రామానికి ఉపయోగపడిన వ్యక్తుల గురించి ప్రజలు చర్చించుకుంటున్నారు. రిజర్వేషన్లు, వర్గ ఓట్లపై రాజకీయ పార్టీలు నిశితంగా లెక్కలు వేస్తున్నాయి.
Similar News
News November 29, 2025
వాకాడు: తీరంలో ఎగసిపడుతున్న కెరటాలు

దిత్వా తుఫాను ముంచుకొస్తున్న నేపథ్యంలో జలపాతాలు, వాగులు, నదీ ప్రాంతాలు, ప్రమాదకర పర్యాటక ప్రాంతాలను తాత్కాలికంగా మూసివేశారు. అలాగే మూడు రోజులపాటు సముద్రంలో చేపల వేటకు వెళ్లొద్దని మత్స్యకారులకు ఆ శాఖ అధికారి రాజేశ్ సూచించారు. వాకాడు మండలంలోని తూపిలి పాలెం సముద్రతీరంలో కెరటాలు బలంగా తీరాన్ని తాకుతున్నాయి.
News November 29, 2025
వరంగల్: సర్పంచ్ అభ్యర్థికి రూ.500.. వార్డు సభ్యులకు రూ.200

పంచాయతీ ఎన్నికల్లో ఖర్చులు భారీగానే ఉండబోతున్నాయి. ఓటుకు నోటు పక్కాగా ఇవ్వాల్సిందే. ఉమ్మడి వరంగల్లోని ఒక్కో ఊరిలో ఒక్కో రకంగా రేటు ఫిక్స్ చేస్తున్నారు. సర్పంచ్ అభ్యర్థికి రూ.500 నుంచి రూ.వేయి, వార్డు సభ్యులకు రూ.200 వరకు ఫిక్స్ చేసినట్లు సమాచారం. ఈ ఎన్నికల్లో సర్పంచ్లు ఎంత ఖర్చు చేస్తారో వాటిని మళ్లీ.. MPTC, ZPTC ఎన్నికల్లో తిరిగి సంపాదించే ఛాన్సు ఉండటంతో అభ్యర్థులు ఖర్చుకు వెనుకాడట్లేదట. SHARE
News November 29, 2025
అడక్కుండానే తిరుపతికి అన్నీ ఇచ్చారుగా.!

తిరుపతికి శ్రీవారి ఆలయం తిరుగులేని మకుటం. ఇప్పుడు శ్రీహరికోట, ఫ్లెమ్మింగో ఫెస్టివల్ సైతం కొత్త అందాలను తీసుకొచ్చాయి. వాటితోపాటూ కనుపూరు ముత్యాలమ్మ, వెంకటగిరి పోలేరమ్మ జాతర, గూడూరు జెండా పండగ సైతం జిల్లా శిగలో చేరాయి. పెంచలకోన, అతిపెద్ద మట్టికట్ట జలాశయం కండలేరు సైతం తిరుపతిలో కలవడంతో జిల్లాలో పర్యాటక ప్రాంతాల సంఖ్య మరింత పెరిగింది. రాయలసీమకు సముద్రం ఇచ్చారంటూ జిల్లా వాసులు సంబర పడుతున్నారు.


