News November 29, 2025
అనకాపల్లి: యువతి ఆత్మహత్య
అనకాపల్లి పట్టణం విజయరామరాజుపేట ప్రాంతంలో శుక్రవారం ఓ యువతి ఇంటిలో ఆత్మహత్య చేసుకుంది. ఇంటిలో ఎవరూ లేని సమయంలో సాయిదుర్గ (25) ఉరివేసుకుంది. పక్కింటి వారు చూసి ఆమె తల్లి సీతాలక్ష్మికి సమాచారం అందించారు. తల్లి ఫిర్యాదు మేరకు కేసు నమోదు చేసి దర్యాప్తు చేపట్టినట్లు ఎస్‌ఐ సంతోష్ కుమార్ తెలిపారు.
Similar News
News November 29, 2025
పెద్దపల్లి: తండ్రి హృదయం కాల్చిన మంటకట్ట
పెద్దపల్లి(D) ఓదెలలో అస్తమిస్తున్న సూర్యుడి కాంతిలో శ్మశానం మౌనంగా నిలిచింది. మంటకట్ట ముందు నిలిచిన ఓ తండ్రి(జర్నలిస్ట్‌ చెరుకు శంకర్) కళ్లల్లో వేదన ఆగలేదు. ఒళ్లో పెట్టుకుని పెంచిన తన ఏకైక బిడ్డ(గణేశ్) అగ్నికి ఆహుతవుతుండటం ఆ డాడీ హృదయాన్ని బరువెక్కించింది. మంటల్లో ప్రతి చిటపట శబ్దం ఆయనకు బిడ్డ చివరి పలకరింపులా అనిపించింది. నిన్ను ఎలా విడిచిపెడతార్రా బిడ్డా అని తండ్రి మనసు నిశ్శబ్దంతో నేలకొరిగింది.
News November 29, 2025
జగిత్యాల: పెరిగిన చలి తీవ్రత.. ఎల్లో అలర్ట్
జగిత్యాల జిల్లాలో చలి తీవ్రత పెరిగింది. గోవిందారంలో అత్యల్పంగా 10.4C° ఉష్ణోగ్రత నమోదైంది. కథలాపూర్ 10.9, మన్నెగూడెం 11, మల్లాపూర్ 11.3, తిరుమలాపూర్ 11.4, జగ్‌గసాగర్, ఎండపల్లి 11.5, నేరెళ్ల 11.6, మల్లియాల్, మెడిపల్లి, కోరుట్ల 11.7, గుల్లకోట, ఐలాపూర్, రాఘవపేట 11.8, మద్దుట్ల 11.9, సారంగాపూర్, రాయికల్, పొలాస 12, పెగడపల్లిలో 12.1C°గా రికార్డ్ అయింది. జిల్లాలోని అన్ని ప్రాంతాలు ఎల్లో జోన్‌లోకి వెళ్లాయి.
News November 29, 2025
సిరిసిల్ల: సా.5 వరకే నామినేషన్లకు ఛాన్స్: కలెక్టర్
గ్రామపంచాయతీ ఎన్నికల్లో భాగంగా జిల్లాలో ఫేజ్- 1 నామినేషన్ల దాఖలుకు నేడు సాయంత్రం 5 గంటల వరకు మాత్రమే గడువు ఉందని ఇన్‌ఛార్జ్ కలెక్టర్, జిల్లా ఎన్నికల అధికారి గరీమా అగర్వాల్ ఒక ప్రకటనలో తెలిపారు. ఆసక్తిగల అభ్యర్థులు నామినేషన్లు ఈరోజు 5 గంటల వరకు దాఖలు చేసే అవకాశం ఉందని పేర్కొన్నారు. ఆయా ఆర్ఓ కేంద్రాల్లో అభ్యర్థుల కోసం హెల్ప్ డెస్క్ ఏర్పాటు చేశామని వివరించారు.