News November 29, 2025
కరీంనగర్: నేడే లాస్ట్.. ఏకగ్రీవాలు ఎన్నో..?
మొదటి విడత పంచాయతీ ఎన్నికల నామినేషన్లకు నేడే చివరి రోజు కావడంతో ఏకగ్రీవం అయ్యే గ్రామపంచాయతీలను ఈసీ నేడు అధికారికంగా ప్రకటించనుంది. ఏదైనా గ్రామపంచాయతీకి ఒకేఒక్క నామినేషన్ వచ్చినట్లయితే ఆ గ్రామాన్ని ఏకగ్రీవంగా ప్రకటిస్తారు. ఉమ్మడి కరీంనగర్ జిల్లాలో మొదటి విడతలో 398 GPలకు ఎన్నికలు జరుగుతుండగా ఇప్పటివరకు 37 GPలకు నామినేషన్లే దాఖలు కాలేదు. ఇందులో నుంచి కొన్ని గ్రామపంచాయతీలు ఏకగ్రీవం అయ్యే అవకాశం ఉంది.
Similar News
News November 29, 2025
పాడేరు: ఈవీఎం గోదాములను తనిఖీ చేసిన జిల్లా కలెక్టర్
పాడేరు ప్రభుత్వ డిగ్రీ కళాశాలలో రూమ్‌లో భద్రపరిచి ఉన్న ఈవీఎం గోదాములను, వివిధ ప్రధాన రాజకీయ పార్టీల ప్రతినిధులతో కలిసి కలెక్టర్ దినేశ్ కుమార్ శనివారం తనిఖీ చేశారు. నెలవారీ తనిఖీల్లో భాగంగా ఈవీఎం గోదాములను సందర్శించిన ఆయన, అక్కడ పరిస్థితులను గమనించారు. సీసీ కెమెరాల పనితీరును, ప్రధాన ద్వారానికి ఉన్న సీళ్లను పరిశీలించారు. భద్రతా ప్రమాణాలపై అక్కడ అధికారులకు, పోలీస్ సిబ్బందికి పలు సూచనలు చేశారు.
News November 29, 2025
నైపుణ్యాన్ని వృద్ధి చేసుకోవాలి: జేసీ రాహుల్
నిరంతరం నైపుణ్యాన్ని వృద్ధి చేసుకునేందుకు యువత కృషి చేయాలని జేసీ రాహుల్ సూచించారు. శనివారం భీమవరం ఎస్ఆర్ కేఆర్ కళాశాలలో ఏపీ స్కూల్ డెవలప్‌మెంట్ కార్పొరేషన్, నేషనల్ కెరీర్ సర్వీస్ ఆధ్వర్యంలో జరిగిన జాబ్ మేళాలో జేసీ మాట్లాడారు. చదువు తోపాటు నైపుణ్యం ఉంటేనే ఉద్యోగం సంపాదించగలరన్నారు. స్కిల్స్ అభివృద్ధి చేసుకోవడం నూతన అంశాన్ని కనుగొనటం వంటివి చేస్తే మంచి ఉద్యోగ అవకాశాలు లభిస్తాయని అన్నారు.
News November 29, 2025
రాజధాని రైతుల సమస్యలకు నెలలో పరిష్కారం: పెమ్మసాని
AP: రాజధాని అమరావతి రైతులకు పింఛన్లు, హెల్త్ కార్డు సమస్యలను నెలలో పరిష్కరిస్తామని కేంద్ర మంత్రి పెమ్మసాని చంద్రశేఖర్ తెలిపారు. గ్రామ కంఠాలు, జరీబు భూములపై సర్వే చేస్తామని, ఎవరికీ అన్యాయం జరగనివ్వమని స్పష్టం చేశారు. అసైన్డ్ ల్యాండ్స్, లంక భూములపై వచ్చే క్యాబినెట్ సమావేశంలో నిర్ణయం తీసుకునే అవకాశం ఉందని మంత్రి నారాయణ చెప్పారు. ప్రతి రెండువారాలకోసారి రైతులతో సమావేశమై సమస్యలు వింటామని హామీ ఇచ్చారు.