News November 29, 2025
ఉమ్మడి నల్గొండ జిల్లాలో జోరుగా నామినేషన్లు
గ్రామాల్లో రాజకీయం వేడెక్కింది. రెండో రోజు శుక్రవారం నామినేషన్లు భారీ సంఖ్యలో దాఖలయ్యాయి. ఉమ్మడి జిల్లా వ్యాప్తంగా సర్పంచ్ స్థానాలకు 1,496, వార్డ్ మెంబర్ స్థానాలకు 1,606 నామినేషన్లు దాఖలయ్యాయి. NLG జిల్లాలో సర్పంచ్ స్థానాలకు 239, వార్డ్ మెంబర్ స్థానాలకు 545, SRPT జిల్లాలో 36 మంది సర్పంచి, 180 మంది వార్డు సభ్యులు, యాదాద్రి జిల్లాలో 170 సర్పంచి, 497 వార్డు స్థానాలకు నామినేషన్లు దాఖలయ్యాయి.
Similar News
News November 29, 2025
WNP: నామినేషన్ల స్క్రూటినీకి ఏర్పాట్లు సిద్ధం చేయాలి: కలెక్టర్
వనపర్తి జిల్లాలో మొదటి విడత పోలింగ్ మండలాల్లో నామినేషన్ల స్క్రూటినీ ఏర్పాట్లు సిద్ధం చేసుకోవాలని జిల్లా కలెక్టర్ ఆదర్శ్ సురభి అధికారులను ఆదేశించారు. శనివారం కలెక్టరేట్ నుంచి తహశీల్దార్లు, ఎంపీడీఓలతో వీడియో కాన్ఫరెన్స్ ద్వారా ఆయన దిశానిర్దేశం చేశారు. పోలింగ్ సిబ్బందికి పోస్టల్ బ్యాలెట్ ఇచ్చేందుకు అన్ని ఏర్పాట్లు చేసుకోవాలని కలెక్టర్ సూచించారు.
News November 29, 2025
శ్రీలంకలో చిక్కుకున్న ఏపీవాసులు.. స్పందించిన మంత్రి లోకేశ్
AP: దిత్వా తుఫాన్‌ కారణంగా భారీ వర్షాలు శ్రీలంకను ముంచెత్తుతున్నాయి. దీంతో పలు విమానాలు రద్దయ్యాయి. ఈ క్రమంలో కువైట్ నుంచి ఇండియాకు వస్తున్న నెల్లూరు(D)కు చెందిన ఏడుగురు ప్రయాణికులు శ్రీలంకలోని కొలంబో ఎయిర్‌పోర్టులో చిక్కుకున్నారు. చెన్నైకి రావాల్సిన విమానం రద్దవడంతో రెండు రోజులుగా తీవ్ర ఇబ్బందులు పడుతున్నారు. వారిని వెంటనే APకి తీసుకొచ్చేందుకు చర్యలు తీసుకుంటున్నట్లు మంత్రి లోకేశ్ తెలిపారు.
News November 29, 2025
మునిషన్స్ ఇండియా లిమిటెడ్‌లో అప్రెంటిస్ పోస్టులు
మునిషన్స్ ఇండియా లిమిటెడ్‌ 50 అప్రెంటిస్ పోస్టులకు దరఖాస్తులు కోరుతోంది. ఇంజినీరింగ్ డిగ్రీ, డిప్లొమా అర్హతగల వారు DEC 10 వరకు ఆఫ్‌లైన్‌లో అప్లై చేసుకోవచ్చు. సివిల్, ఎలక్ట్రికల్, ఎలక్ట్రానిక్స్& టెలికమ్యూనికేషన్, మెకానికల్, ప్రొడక్షన్ విభాగంలో పోస్టులు ఉన్నాయి. NATS పోర్టల్‌లో రిజిస్ట్రేషన్ తప్పనిసరి. గ్రాడ్యుయేట్ అప్రెంటిస్‌కు నెలకు రూ.12,300, డిప్లొమా అప్రెంటిస్‌కు రూ.10,900 చెల్లిస్తారు.