News November 29, 2025
KMR: ఎన్నికల ఫీవర్.. గెలుపే లక్ష్యంగా అప్పులు
కామారెడ్డి జిల్లాలో ఎన్నికల కోలాహలం మొదలైంది. బరిలో దిగుతున్న అభ్యర్థులు గెలుపే లక్ష్యంగా భారీగా ఖర్చులకు సిద్ధమవుతున్నారు. గెలుపు కోసం అభ్యర్థులు ఆస్తులు అమ్ముకోవడానికి, తనఖా పెట్టడానికి కూడా వెనుకాడడం లేదు. తమ బంధువుల ద్వారా అప్పులు తెచ్చి మరీ ప్రచారాన్ని హోరెత్తించడానికి రంగం సిద్ధం చేసుకుంటున్నారు. దీంతో ఎన్నికల సందడితో పాటు, అభ్యర్థులు అప్పుల ఊబిలో కూరుకుపోయే ప్రమాదం కూడా కనిపిస్తోంది.
Similar News
News November 29, 2025
పాడేరు: ఈవీఎం గోదాములను తనిఖీ చేసిన జిల్లా కలెక్టర్
పాడేరు ప్రభుత్వ డిగ్రీ కళాశాలలో రూమ్‌లో భద్రపరిచి ఉన్న ఈవీఎం గోదాములను, వివిధ ప్రధాన రాజకీయ పార్టీల ప్రతినిధులతో కలిసి కలెక్టర్ దినేశ్ కుమార్ శనివారం తనిఖీ చేశారు. నెలవారీ తనిఖీల్లో భాగంగా ఈవీఎం గోదాములను సందర్శించిన ఆయన, అక్కడ పరిస్థితులను గమనించారు. సీసీ కెమెరాల పనితీరును, ప్రధాన ద్వారానికి ఉన్న సీళ్లను పరిశీలించారు. భద్రతా ప్రమాణాలపై అక్కడ అధికారులకు, పోలీస్ సిబ్బందికి పలు సూచనలు చేశారు.
News November 29, 2025
నైపుణ్యాన్ని వృద్ధి చేసుకోవాలి: జేసీ రాహుల్
నిరంతరం నైపుణ్యాన్ని వృద్ధి చేసుకునేందుకు యువత కృషి చేయాలని జేసీ రాహుల్ సూచించారు. శనివారం భీమవరం ఎస్ఆర్ కేఆర్ కళాశాలలో ఏపీ స్కూల్ డెవలప్‌మెంట్ కార్పొరేషన్, నేషనల్ కెరీర్ సర్వీస్ ఆధ్వర్యంలో జరిగిన జాబ్ మేళాలో జేసీ మాట్లాడారు. చదువు తోపాటు నైపుణ్యం ఉంటేనే ఉద్యోగం సంపాదించగలరన్నారు. స్కిల్స్ అభివృద్ధి చేసుకోవడం నూతన అంశాన్ని కనుగొనటం వంటివి చేస్తే మంచి ఉద్యోగ అవకాశాలు లభిస్తాయని అన్నారు.
News November 29, 2025
రాజధాని రైతుల సమస్యలకు నెలలో పరిష్కారం: పెమ్మసాని
AP: రాజధాని అమరావతి రైతులకు పింఛన్లు, హెల్త్ కార్డు సమస్యలను నెలలో పరిష్కరిస్తామని కేంద్ర మంత్రి పెమ్మసాని చంద్రశేఖర్ తెలిపారు. గ్రామ కంఠాలు, జరీబు భూములపై సర్వే చేస్తామని, ఎవరికీ అన్యాయం జరగనివ్వమని స్పష్టం చేశారు. అసైన్డ్ ల్యాండ్స్, లంక భూములపై వచ్చే క్యాబినెట్ సమావేశంలో నిర్ణయం తీసుకునే అవకాశం ఉందని మంత్రి నారాయణ చెప్పారు. ప్రతి రెండువారాలకోసారి రైతులతో సమావేశమై సమస్యలు వింటామని హామీ ఇచ్చారు.