News November 29, 2025
గద్వాల: వేలం పాటలు నిలిపివేయాలి- మాచర్ల ప్రకాష్
సర్పంచ్ ఎన్నికల నేపథ్యంలో గద్వాల జిల్లాలో జరుగుతున్న పదవుల వేలంపాటను నిలిపివేసే విధంగా కట్టుదిట్టమైన చర్యలు తీసుకోవాలని భీమ్ ఆర్మీ పాలమూరు జిల్లా కన్వీనర్ మాచర్ల ప్రకాష్ పేర్కొన్నారు. శనివారం కలెక్టర్ సంతోష్ ను కలిసి వినతిపత్రం ఇచ్చారు. జిల్లాలో ఊహించని విధంగా సర్పంచ్ పదవులకు వేలంపాట జరుగుతుందన్నారు. ఈ ప్రక్రియ రాజ్యాంగ విరుద్ధమని చెప్పారు. వేలంపాటలపై దర్యాప్తు చేసి చర్యలు తీసుకోవాలని కోరారు.
Similar News
News November 29, 2025
గద్వాల: సర్పంచ్ వేలం పాటలు నిరోధించేందుకు అవగాహన
గ్రామపంచాయతీ ఎన్నికలవేళ జిల్లాలో సర్పంచుల పదవులకు జరుగుతున్న వేలంపాటలు నిరోధానికి ఎన్నికల అధికారులు, పోలీసులు ప్రజలకు అవగాహన కల్పిస్తున్నారని గద్వాల కలెక్టర్ సంతోష్ శనివారం తెలిపారు. మొదటి విడత ఎన్నికలు జరిగే గద్వాల, ధరూర్, కేటీదొడ్డి, గట్టు మండలాల్లో పర్యటించి అవగాహన కల్పించారని తెలిపారు. ఓటర్లు ప్రలోభాలకు లొంగరాదని సూచించారు. ప్రశాంత వాతావరణంలో నిర్భయంగా ఓటు హక్కు వినియోగించుకోవాలన్నారు.
News November 29, 2025
ట్రంప్ షాక్‌తో భారీగా పడిపోయిన ఎగుమతులు
అమెరికా అధ్యక్షుడు డొనాల్డ్ ట్రంప్ విధించిన భారీ టారిఫ్‌లతో 2025 మే నుంచి అక్టోబర్ మధ్య భారత ఎగుమతులు 28.5% క్షీణించాయని GTRI వెల్లడించింది. ముఖ్యంగా రత్నాలు, నగలు, టెక్స్‌టైల్‌ , కెమికల్స్, సముద్ర ఆహారం వంటి రంగాలు 31% వరకూ నష్టపోయాయి. స్మార్ట్‌ఫోన్ ఎగుమతులు 36% పడిపోయాయి. సుంకాలు తగ్గించేందుకు ప్రభుత్వం నుంచి చర్యలు ఆలస్యం కావడం పరిస్థితిని మరింత కఠినతరం చేస్తోందని GTRI హెచ్చరించింది.
News November 29, 2025
అనకాపల్లి: ‘జీవన ప్రమాణ ధ్రువీకరణ పత్రం సమర్పించాలి’
ప్రభుత్వ పెన్షన్ దారులు వచ్చే ఏడాది జనవరి 1 నుంచి ఫిబ్రవరి 28 లోపు జీవన ప్రమాణ ధ్రువీకరణ పత్రాన్ని సమర్పించాలని జిల్లా ఖజానా అధికారిణి సుభాషిని విజ్ఞప్తి చేశారు. జీవన ప్రమాణ ధ్రువపత్రాలను జిల్లా ఖజానా కార్యాలయం, ఉప ఖజానా కార్యాలయాలు, మీసేవా కేంద్రాలు, పోస్ట్ ఆఫీసులు లేదా జీవన ప్రమాణ యాప్ ద్వారా కూడా సమర్పించవచ్చునన్నారు. అవసరమైన అన్ని ధ్రువపత్రాలు అందజేయాలన్నారు.