News November 29, 2025
భారీ వర్షాల హెచ్చరిక నేపథ్యంలో కలెక్టరేట్లో కంట్రోల్ రూం ఏర్పాటు
నైరుతి బంగాళాఖాతంలో ఏర్పడిన దిత్వా తుఫాన్ వాయుగుండంగా బలపడే అవకాశం ఉన్నందున కలెక్టరేట్లో కంట్రోల్ రూమ్ ఏర్పాటు చేసినట్లు జాయింట్ కలెక్టర్ మొగిలి వెంకటేశ్వర్లు ఒక ప్రకటనలో తెలిపారు. లోతట్టు ప్రాంతాలు, తీర ప్రాంతాల్లో నివసించే ప్రజలను అప్రమత్తంగా ఉండాలన్నారు. వర్షాల వలన ఇబ్బందులు తలెత్తితే కంట్రోలు రూం నెంబర్లు 0861 2331261, 7995576699 కు ఫోన్‌ చేసి సమాచారం ఇవ్వాలన్నారు.
Similar News
News November 29, 2025
అధికారులు అప్రమత్తంగా ఉండాలి: మంత్రి ఆనం
దిత్వా తుఫాన్ హెచ్చరిక నేపథ్యంలో నెల్లూరు జిల్లాలో అధికారులు అప్రమత్తంగా ఉండాలని దేవాదాయ శాఖ మంత్రి ఆనం రామనారాయణ రెడ్డి ఆదేశించారు. పెన్నా పరివాహక ప్రాంతాలు, తీరప్రాంత గ్రామాల్లో ముందస్తు చర్యలు తీసుకోవాలని సూచించారు. మత్స్యకారులను వేటకు వెళ్లకుండా అవగాహన కల్పించాలని రెవెన్యూ అధికారులకు సూచించారు. చెరువులు, వాగుల పరిస్థితులను ఇరిగేషన్ అధికారులు నిరంతరం సమీక్షించాలని ఆదేశించారు.
News November 29, 2025
నెల్లూరు: ఎమ్మార్వో కార్యాలయంలో కంట్రోల్ రూమ్ ఏర్పాటు
నెల్లూరు గ్రామీణ మండల పరిధిలో దిత్వా తుఫాను నేపథ్యంలో భారీ వర్షాలు పడే అవకాశమున్నందున రూరల్ ఎమ్మార్వో కృష్ణ ప్రసాద్ కంట్రోల్ రూమ్ ఏర్పాటు చేసినట్లు ఒక ప్రకటనలో తెలిపారు. ప్రజలకు తక్షణ సహాయ చర్యలు అందించేందుకు, అత్యవసర పరిస్థితులను వెంటనే సంబంధిత శాఖలకు చేరవేసేందుకు 24×7 కంట్రోల్ రూమ్ కు తెలిపేందుకు 9441592127 నెంబర్ ఏర్పాటు చేసినట్లు తెలిపారు.
News November 29, 2025
నెల్లూరు: అరవ కామాక్షి ఏ పార్టీలో ఉందంటే..
కల్లూరుపల్లి హౌసింగ్ బోర్డ్ కాలనీలో నిన్న సీపీఎం కార్యకర్త పెంచలయ్య దారుణ హత్యకు గురయ్యారు. అయితే అతడిని అరవ కామాక్షి చేయించిందని పోలీసులు నిర్ధారించారు. ఆమె కోసం ప్రత్యేక బృందాలతో గాలిస్తున్నారు. ఈ క్రమంలో అరవ కామాక్షి టీడీపీలో ఉందని వైసీపీ ఆరోపిస్తుంటే.. ఎన్నికలకు ముందు ఆమె వైసీపీలోనే ఉందని టీడీపీ నేతలు ఆమె ఫోటోలను సోషల్ మీడియాలో వైరల్ చేస్తున్నారు.