News November 29, 2025
ఎన్నికల్లో రిటర్నింగ్ అధికారుల పాత్ర కీలకం: కలెక్టర్
గ్రామ పంచాయతీ ఎన్నికల నిర్వహణలో రిటర్నింగ్ అధికారుల పాత్ర అత్యంత కీలకమని జిల్లా ఎన్నికల అధికారి రాహుల్ శర్మ తెలిపారు. శనివారం ఐడీఓసీలో రిటర్నింగ్ అధికారుల శిక్షణ కార్యక్రమంలో ఆయన ముఖ్య సూచనలు అందించారు. నామినేషన్ల స్వీకరణ నుంచి అభ్యర్థుల ప్రకటన వరకు పూర్తి అవగాహనతో, బాధ్యతగా విధులు నిర్వర్తించాలని కోరారు.
Similar News
News November 29, 2025
TML: కల్తీ నెయ్యి కేసులో పెరిగిన నిందితుల సంఖ్య
తిరుమల కల్తీ నెయ్యి కేసులో ఏ25 నుంచి 36 వరకు ఉన్న నిందితులను FIRలో నమోదు చేయాలని సిట్ కోర్టును కోరింది. పి.ఈశ్వర్ రెడ్డి, ఎం.వెంకట అనిల్ కుమార్, పి.వెంకట నటేష్ బాబు, పి.జగదీశ్వర్ రెడ్డి, ఆర్ఎస్ఎస్విఆర్ సుబ్రహ్మణ్యం, పి.మురళీకృష్ణ, కె.హరినాథ రెడ్డి, ఎం.మహేంధర్, వి.వెంకటసుబ్రహ్మణియన్, విజయ భాస్కర్ రెడ్డి, సురేంద్రనాధ్, జయరాం రావ్ ఇందులో ఉన్నారు. వీళ్లలో కొందరు TTD ఉద్యోగులు ఉన్నారు.
News November 29, 2025
VJA: భక్తుల సౌకర్యార్థం భవానీ దీక్ష-2025 యాప్
విజయవాడ భవానీ దీక్షల విరమణ సందర్భంగా భక్తుల సౌకర్యార్థం ‘Bhavani Deeksha 2025’ పేరుతో ప్రత్యేక మొబైల్ యాప్‌ను అధికారులు అందుబాటులోకి తీసుకువచ్చారు. ఈ యాప్‌లో దర్శన సమయాలు, ప్రసాదం విక్రయ కౌంటర్ల వివరాలు, గిరి ప్రదక్షిణ మార్గం మ్యాప్‌ సహా అవసరమైన సమాచారాన్ని సులభంగా పొందేలా రూపొందించారు. యాప్ ద్వారా భక్తులు సేవలు, లొకేషన్లను, రద్దీ వివరాలను తెలుసుకోవచ్చని దేవస్థానం అధికారులు తెలిపారు.
News November 29, 2025
రెడ్ అలర్ట్.. ఈ జిల్లాల్లో అతి భారీ వర్షాలు
AP: ‘దిత్వా’ ప్రభావంతో రేపు రాష్ట్రంలో పలు జిల్లాలకు APSDMA రెడ్ అలర్ట్ జారీ చేసింది. ప్రకాశం, నెల్లూరు, కడప, అన్నమయ్య, చిత్తూరు, తిరుపతిలో భారీ నుంచి అతిభారీ వర్షాలు కురుస్తాయని తెలిపింది. గుంటూరు, బాపట్ల, పల్నాడు, కర్నూలు, నంద్యాల, సత్యసాయి, అనంతపురం జిల్లాలకు అరెంజ్ అలర్ట్ జారీ చేసింది. అనకాపల్లి, కాకినాడ, కోనసీమ, ఉభయగోదావరి, ఏలూరు, కృష్ణా, NTR జిల్లాలకు ఎల్లో అలర్ట్ ఇచ్చింది.