News November 23, 2024
చరిత్ర సృష్టించిన తిలక్ వర్మ
టీమ్ ఇండియా ప్లేయర్ తిలక్ వర్మ చరిత్ర సృష్టించారు. టీ20ల్లో వరుసగా మూడు సెంచరీలు బాదిన తొలి ఆటగాడిగా ఆయన రికార్డు సాధించారు. సౌతాఫ్రికాపై రెండు, మేఘాలయపై ఓ సెంచరీ వరుసగా బాదారు. టీ20 చరిత్రలోనే ఇప్పటివరకు మరే బ్యాటర్ హ్యాట్రిక్ సెంచరీలు చేయలేదు. మరోవైపు టీ20ల్లో అత్యధిక స్కోరు బాదిన ప్లేయర్‌గా కూడా తిలక్ (151) నిలిచారు. ఈ క్రమంలో శ్రేయస్ అయ్యర్ (147) రికార్డును ఆయన అధిగమించారు.
Similar News
News November 23, 2024
పవన్ ప్రభావం గురించి నేషనల్ మీడియా ప్రస్తావించట్లేదు: బొలిశెట్టి
మహారాష్ట్ర ఎన్నికల్లో మహాయుతి విజయంలో పవన్ కళ్యాణ్ ప్రభావం గురించి నేషనల్ మీడియా ప్రస్తావించడం లేదని జనసేన నేత బొలిశెట్టి సత్యనారాయణ చెప్పారు. దేశ రాజకీయాల్లో హిందువులపై విదేశీ హస్తం ఏమైనా ఉందా? అని Xలో అనుమానం వ్యక్తం చేశారు. ఆయన రోడ్‌షోలు, బహిరంగసభల గురించి చెప్పడంలో సోషల్ మీడియా కీలకపాత్ర పోషిస్తోందన్నారు. ఇవన్నీ ఎలా ఉన్నా ‘పవన్ గాలి కాదు తుఫాన్’ అని PM మోదీనే కొనియాడారని గుర్తు చేశారు.
News November 23, 2024
విమానాలు ఆలస్యమైతే ప్రయాణికులకు ఇవి తప్పనిసరి!
చలికాలంలో పొగమంచు కారణంగా భారీ సంఖ్యలో విమానాలు ఆలస్యంగా నడుస్తాయి. ఆలస్యమైన సమయంలో ప్రయాణికులకు ఉచితంగా ఆహార పదార్థాలు ఇవ్వాలని DGCA విమాన కంపెనీలను ఆదేశించింది. మొదటి 2 గంటల ఆలస్యానికి నీళ్లు, 2-4 గంటల సమయానికి టీ/కాఫీ, 4 గంటల కంటే ఎక్కువ ఆలస్యమైతే మీల్స్ ఉచితంగా ఇవ్వాలంది.
*SHARE IT
News November 23, 2024
ఫ‌లితాల్ని ఊహించ‌లేదు: రాహుల్ గాంధీ
మహారాష్ట్ర ఫ‌లితాల్ని ఊహించ‌లేద‌ని రాహుల్ గాంధీ వ్యాఖ్యానించారు. ఓట‌మిపై స‌మీక్షించుకుంటామ‌ని పేర్కొన్నారు. ఝార్ఖండ్‌లో భారీ మెజారిటీ ఇచ్చినందుకు ప్ర‌జ‌ల‌కు ధ‌న్య‌వాదాలు తెలిపారు. ఇండియా కూటమి సాధించిన ఈ విజయం రాజ్యాంగ ప‌రిర‌క్ష‌ణ‌తోపాటు స‌హ‌జ వ‌న‌రుల ప‌రిరక్ష‌ణ విజ‌యంగా అభివ‌ర్ణించారు. ఝార్ఖండ్‌లో JMM 28 సీట్లలో గెలిచి మరో 6 చోట్ల ఆధిక్యంలో ఉంది. కాంగ్రెస్ 11 చోట్ల గెలిచి 5 చోట్ల లీడ్‌లో ఉంది.