News November 23, 2024
38 ఏళ్ల తర్వాత భారత ఓపెనింగ్ జోడీ అదుర్స్
ఆస్ట్రేలియాతో తొలి టెస్టులో భారత ఓపెనర్లు జైస్వాల్(90*), కేఎల్ రాహుల్(62*) రికార్డు సృష్టించారు. AUS గడ్డపై 20 ఏళ్ల తర్వాత ఓపెనింగ్ సెంచరీ(172*) భాగస్వామ్యం నమోదు చేశారు. 2004లో సెహ్వాగ్-ఆకాశ్ చోప్రా 123 రన్స్ చేశారు. అలాగే ఆ దేశంలో 38 ఏళ్ల తర్వాత 150కి పైగా పరుగులు చేసిన భారత ఓపెనింగ్ జోడీగా జైస్వాల్, రాహుల్ నిలిచారు. చివరగా 1986లో గవాస్కర్-శ్రీకాంత్ జోడీ 191 రన్స్ పార్ట్‌నర్‌షిప్ నమోదుచేసింది.
Similar News
News November 24, 2024
చెప్పులు లేకుండా నడుస్తున్నారా?
పాదరక్షలు లేకుండా వాకింగ్ చేయడం వల్ల అనేక ప్రయోజనాలున్నాయని నిపుణులు చెబుతున్నారు. ‘పాదాలు నేరుగా నేలను తాకడం వల్ల విశ్రాంతిగా అనిపిస్తుంది. నాణ్యమైన నిద్ర, రోగనిరోధక శక్తి పెరుగుతుంది. ఒత్తిడి తగ్గుతుంది. రక్తప్రసరణ మెరుగుపడుతుంది. BP కంట్రోల్‌లో ఉంటుంది. కాలి కండరాలు బలపడతాయి’ అని పేర్కొంటున్నారు. షుగర్ పేషెంట్లు, అరికాళ్ల పగుళ్ల సమస్యలు ఉన్నవారు చెప్పులు లేకుండా నడవొద్దని సూచిస్తున్నారు.
News November 24, 2024
దేశంలోని 19 రాష్ట్రాల్లో NDA ప్రభుత్వాలు
BJP సారథ్యంలోని NDA కూటమి దేశంలోని 28 రాష్ట్రాల్లో 19 చోట్ల ప్రభుత్వ భాగస్వామిగా ఉంది. తమిళనాడు, కేరళ, కర్ణాటక, TG, పంజాబ్, హిమాచల్ ప్రదేశ్, ఝార్ఖండ్, మిజోరం, WBలలో కాంగ్రెస్, ఇతర ప్రాంతీయ పార్టీల ప్రభుత్వాలు నడుస్తున్నాయి. నేడు మహారాష్ట్రలో మహాయుతి ఘన విజయం సాధించిన నేపథ్యంలో NDA పాలించే రాష్ట్రాల మ్యాప్ వైరలవుతోంది. కాంగ్రెస్ స్వతహాగా 3 రాష్ట్రాల్లోనే (TG, HP, KA) ప్రభుత్వంలో ఉంది.
News November 24, 2024
కన్నడ సినిమా సక్సెస్ వెనుక యశ్ ఉన్నారు: శివ కార్తికేయన్
‘కేజీఎఫ్’ యశ్ కారణంగా కన్నడ సినిమాకు ప్రపంచవ్యాప్త గుర్తింపు వచ్చిందని తమిళ నటుడు శివకార్తికేయన్ ప్రశంసించారు. గోవాలో జరిగిన ఓ కార్యక్రమంలో ఆయన మాట్లాడారు. ‘కన్నడ చిత్ర పరిశ్రమలో నాకు మొదట తెలిసిన వ్యక్తి శివ రాజ్‌కుమార్. చాలా స్నేహశీలి. కానీ ఆ పరిశ్రమకు యశ్ చేసిన మంచి అంతా ఇంతా కాదు. కేజీఎఫ్-1 వచ్చినప్పుడు ఆ పరిశ్రమ సక్సెస్ అయింది. కానీ కేజీఎఫ్-2తో భారత సినిమా సక్సెస్ అయింది’ అని కొనియాడారు.