News August 27, 2024

ఏది దొరికితే దాంతో కేసు పెడతారా: బరేలీ కోర్టు

బలవంతపు మతమార్పిడులకు పాల్పడుతున్నాడని నిరూపించేందుకు నిందితుడి వద్ద బైబిల్‌ లభించిందని పోలీసులు చెప్పడంపై యూపీలోని బరేలీ కోర్టు తీవ్రంగా మండిపడింది. దేన్నైనా సరే రికవరీ చేసి ఎవరిపైనైనా కేసు పెట్టడం ఆందోళనకరమని కోర్టు అభిప్రాయపడింది. అభిషేక్ గుప్తా అనే వ్యక్తి 32 మందిని మతం మార్పిస్తున్నాడన్న ఫిర్యాదు మేరకు కేసు నమోదు చేశారు. సాక్ష్యాలు సరిగా లేకపోవడంతో కోర్టు పోలీసులపైనే చర్యలకు ఆదేశించింది.