News November 19, 2025
AIని గుడ్డిగా నమ్మవద్దు: సుందర్ పిచాయ్
ఆర్టిఫిషియల్ ఇంటెలిజెన్స్(AI) ఇచ్చే సమాధానాలను గుడ్డిగా నమ్మవద్దని గూగుల్ మాతృసంస్థ ఆల్ఫాబెట్ సీఈవో సుందర్ పిచాయ్ అన్నారు. AI కూడా తప్పులు చేసే అవకాశం ఉందని, ఇతర టూల్స్లో సమాచారాన్ని వెరిఫై చేసుకోవాలని చెప్పారు. విభిన్న మాధ్యమాలతో కూడిన సమాచార వ్యవస్థ ఉండటం ముఖ్యమని తెలిపారు. ఏఐ పెట్టుబడుల ‘బబుల్’ ఏ దశలోనైనా విస్ఫోటనం చెందవచ్చని, ఈ విషయంలో కంపెనీలు అప్రమత్తంగా ఉండాలని BBC ఇంటర్వ్యూలో సూచించారు.
Similar News
News January 13, 2026
మీకు రక్తహీనత ఉందా? ఇలా చేయండి
* ఐరన్ ఎక్కువగా ఉండే ఆకుకూరలు, మొలకెత్తిన పప్పు ధాన్యాలు, మాంసాహారం తీసుకోవాలి. * విటమిన్ సి ఎక్కువగా ఉండే నిమ్మ, ఉసిరి, జామ తీసుకోవాలి. * బీట్రూట్ తీసుకుంటే రక్తం శుభ్రపడటంతో పాటు ఐరన్, ప్రోటీన్లు ఎక్కువగా లభిస్తాయి. * నువ్వులను విడిగా, బెల్లంతో కలిపి తీసుకుంటే రక్తహీనత తగ్గుతుంది. * తేనెలో ఐరన్,కాపర్, మాంగనీస్లు పుష్కలంగా ఉంటాయి. * అరటి, ద్రాక్ష, స్ట్రాబెర్రీలు రక్తహీనతను నివారిస్తాయి.
News January 13, 2026
చలాన్లపై సీఎం రేవంత్ది చెత్త సలహా: బండి
TG: చలాన్ల విషయంలో 50% డిస్కౌంట్ ఇస్తామన్న CM రేవంత్ <<18838769>>మాట<<>> మార్చారని కేంద్ర మంత్రి బండి సంజయ్ విమర్శించారు. రక్షణకి ప్రాధాన్యమిస్తూ ట్రాఫిక్ రూల్స్ ఉంటాయని అయితే చలాన్లు ఆటో డెబిట్ చేయాలనడం చెత్త సలహా అని మండిపడ్డారు. ఒకవేళ ఇదే కొనసాగిస్తామంటే ముందుగా మంత్రులు/నేతల బ్యాంక్ అకౌంట్లు లింక్ చేయాలన్నారు. PM మోదీ జన్ ధన్ అకౌంట్లు తీసుకొస్తే, కాంగ్రెస్ ప్రజల డబ్బులు లూటీ చేయాలని చూస్తోందన్నారు.
News January 13, 2026
PSLV-C62 విఫలం.. ఆ 16 ఉపగ్రహాల పరిస్థితేంటి?
PSLV-C62 ప్రయోగం విఫలం కావడంతో అందులోని 16 ఉపగ్రహాల పరిస్థితేంటనే సందేహం వ్యక్తమవుతోంది. కక్ష్యలోకి చేరడానికి కావాల్సిన వేగం అందకపోవటంతో అవి తిరిగి భూవాతావరణంలోకి ప్రవేశిస్తాయని ఇస్రో మాజీ ఇంజినీర్ ఒకరు వివరించారు. గాలితో రాపిడి వల్ల మంటలంటుకొని కాలి బూడిదైపోతాయని తెలిపారు. చిన్న శకలాలేమైనా మిగిలుంటే అవి సముద్రంలో పడిపోతాయన్నారు. సోమవారం సాయంత్రానికే ఇదంతా జరిగిపోయి ఉంటుందని వెల్లడించారు.