News November 29, 2025

ASF: దివ్యాంగుల క్రీడా పోటీలు వాయిదా

image

గ్రామపంచాయతీ ఎన్నికల నిర్వహణ నేపథ్యంలో జిల్లా పరిధిలో జరగవలసిన దివ్యాంగుల జిల్లా స్థాయి క్రీడలు, ఆటల పోటీలు తదితర కార్యక్రమాలను తాత్కాలికంగా వాయిదా వేస్తున్నట్టు జిల్లా మహిళా, శిశు సంక్షేమ, దివ్యాంగులు, వృద్ధుల సంక్షేమాధికారి డాక్టర్ భాస్కర్ తెలిపారు. కలెక్టర్ ఆదేశాల మేరకు వాయిదా వేసినట్లు స్పష్టం చేశారు. కొత్త తేదీలను ఎన్నికల తర్వాత ప్రకటిస్తామన్నారు.

Similar News

News November 29, 2025

చిత్తూరు: ప్రియుడితో కలిసి భర్తను చంపడానికి ప్లాన్

image

ప్రియుడితో కలిసి భర్తను చంపడానికి ప్రయత్నించిన కేసులో భార్య, ఆమె ప్రియుడిని అరెస్ట్ చేసినట్లు పలమనేరు ఎస్ఐ స్వర్ణతేజ తెలిపారు. కోతిగుట్టకు చెందిన వెంకటేశులు భార్య శిల్ప తన ప్రియుడు వెంకటేశ్‌తో కలిసి భర్తపై వేడి నూనె పోసి హత్యాయత్నం చేశారు. 5నెలలుగా పరారీలో ఉన్న ఇద్దరిని శనివారం అరెస్ట్ చేసినట్లు ఆమె తెలిపారు. వెంకటేశులు ఆర్మీలో పని చేయడం గమనార్హం.

News November 29, 2025

iBOMMA అంటే ఇంటర్నెట్ బొమ్మ: రవి

image

TG: రెండో విడత కస్టడీలో iBOMMA రవి కీలక విషయాలను వెల్లడించాడు. పైరసీ వెబ్‌సైట్లు, OTTలు, టెలిగ్రామ్ నుంచి సినిమాలను రికార్డు చేసి, వాటి క్వాలిటీ పెంచేందుకు కరీబియన్ దీవుల్లోని వ్యక్తులతో ఒప్పందం చేసుకున్నట్లు తెలిపాడు. ‘iBOMMA అంటే ఇంటర్నెట్ బొమ్మ. విశాఖలో సినిమాను బొమ్మ అంటాం. అందుకే ఆ పేరు పెట్టా. రెండో వెబ్‌సైట్‌కు బలపం అని పేరు అనుకున్నా. సాంకేతిక సమస్యతో బప్పంగా మార్చా’ అని చెప్పాడు.

News November 29, 2025

గద్వాల: సర్పంచ్ వేలం పాటలు నిరోధించేందుకు అవగాహన

image

గ్రామపంచాయతీ ఎన్నికలవేళ జిల్లాలో సర్పంచుల పదవులకు జరుగుతున్న వేలంపాటలు నిరోధానికి ఎన్నికల అధికారులు, పోలీసులు ప్రజలకు అవగాహన కల్పిస్తున్నారని గద్వాల కలెక్టర్ సంతోష్ శనివారం తెలిపారు. మొదటి విడత ఎన్నికలు జరిగే గద్వాల, ధరూర్, కేటీదొడ్డి, గట్టు మండలాల్లో పర్యటించి అవగాహన కల్పించారని తెలిపారు. ఓటర్లు ప్రలోభాలకు లొంగరాదని సూచించారు. ప్రశాంత వాతావరణంలో నిర్భయంగా ఓటు హక్కు వినియోగించుకోవాలన్నారు.