News January 2, 2025
భోపాల్ విషాదం: కఠిన ప్రక్రియతో విషవ్యర్థాల అంతం
పీథమ్పూర్ యూనిట్కు చేరుకున్న భోపాల్ <<15043807>>విష<<>> వ్యర్థాల దహనానికి అన్నీ అనుకూలిస్తే 3/9 నెలలు పడుతుంది. ఇందుకోసం 9 లేయర్ల చిమ్నీ వాడతారు. ప్రతి లేయర్లో వ్యర్థాలు ఫిల్టరై గాల్లో కలుస్తాయి. బూడిదలోనూ ఎలాంటి విషపదార్థాలు లేవని నిర్ధారించాకే నీరు, గాలి, నేల కలుషితమవ్వని చోట పూడ్చేస్తారు. 2015లో దీనిపై ఓ పైలట్ ప్రాజెక్టు చేశారు. 1984లో జరిగిన భోపాల్ విషవాయువు దుర్ఘటనలో 5479 మంది దుర్మరణం చెందారు.
Similar News
News January 17, 2025
3.5 కోట్ల పని దినాలు కల్పించండి.. కేంద్రానికి లేఖ
AP: ఉపాధి హామీ పని దినాలు పూర్తి కావొస్తుండటంతో అదనంగా కేటాయించాలని కేంద్రాన్ని రాష్ట్ర ప్రభుత్వం కోరింది. 2024-25 ఆర్థిక సంవత్సరానికి రాష్ట్రానికి కేంద్రం 21.50 కోట్ల పనిదినాలు కేటాయించగా 20.45 కోట్ల పని దినాలు పూర్తి చేశారు. దీంతో మరో 3.5 కోట్ల పనిదినాలు కావాలని కేంద్ర గ్రామీణాభివృద్ధి శాఖకు రాష్ట్ర ప్రభుత్వం విజ్ఞప్తి చేసింది.
News January 17, 2025
సంక్రాంతి సెలవుల తర్వాత కాలేజీలు
TG: రాష్ట్రంలోని జూనియర్ కాలేజీలకు నిన్నటితో సంక్రాంతి సెలవులు ముగిశాయి. దీంతో నేటి నుంచి కాలేజీ విద్యార్థులు తరగతులకు హాజరు కానున్నారు. మరోవైపు స్కూళ్లకు సెలవులు నేటితో ముగియనుండటంతో రేపు పాఠశాలలన్నీ తిరిగి తెరుచుకోనున్నాయి. ఆదివారం వరకు సెలవులు పొడిగించాలని విద్యార్థులు, తల్లిదండ్రులు కోరుతున్నారు. అటు ఏపీలో స్కూళ్లు 20న పునః ప్రారంభం కానున్నాయి.
News January 17, 2025
అతడి వల్లే భారత్ ఓడిపోయింది: అశ్విన్
BGTలో టీమ్ ఇండియా ఓడిపోవడానికి ఆస్ట్రేలియా బౌలర్ బోలాండే కారణమని మాజీ స్పిన్నర్ రవిచంద్రన్ అశ్విన్ అన్నారు. ‘కమిన్స్ అద్భుతంగా రాణించారని అందరూ అంటున్నారు. కానీ అతడు లెఫ్ట్ హ్యాండర్లకు బౌలింగ్ వేసేటప్పుడు ఇబ్బంది పడ్డారు. బోలాండ్ టీంలోకి రావడం ఆస్ట్రేలియా అదృష్టం. అతడు లేకుంటే భారత్ గెలిచేది’ అని చెప్పారు. కాగా హేజిల్వుడ్కు గాయం కావడంతో బోలాండ్ టీంలోకి వచ్చి 3 టెస్టుల్లో 21 వికెట్లు తీశారు.