News November 29, 2024
బుమ్రా ఓ కంప్లీట్ ప్యాకేజ్: స్మిత్
బౌలింగ్‌లో టీమ్ ఇండియా బౌలర్ జస్ప్రీత్ బుమ్రా ఓ కంప్లీట్ ప్యాకేజీ లాంటి వారని ఆస్ట్రేలియా బ్యాటర్ స్టీవ్ స్మిత్ కొనియాడారు. ‘బుమ్రా రిలీజ్ పాయింట్ మిగతా బౌలర్లందరికంటే బ్యాటర్‌కు అత్యంత దగ్గరగా ఉంటుంది. అడ్జస్ట్ చేసుకునేలోపే బంతి మీదకు వచ్చేస్తుంది. ఇన్‌స్వింగ్, ఔట్‌స్వింగ్, రివర్స్ స్వింగ్, స్లో బాల్, బౌన్సర్, యార్కర్.. ఇలా అన్ని రకాల బంతులూ అతడి అమ్ముల పొదిలో ఉన్నాయి’ అని పేర్కొన్నారు.
Similar News
News November 29, 2024
పీరియడ్స్ ఇబ్బందుల్ని తొలగించే దాల్చినచెక్క
పీరియడ్స్ టైమ్‌లో అసౌకర్యాన్ని తొలగించడంలో దాల్చినచెక్క ఎంతగానో ఉపయోగపడుతుందని న్యూట్రిషనిస్టులు, వైద్యులు అంటున్నారు. ఆహారంలో దీన్ని భాగం చేసుకోవడం వల్ల తిమ్మిర్ల నుంచి ఉపశమనం కలుగుతుంది. ఇందులోని యాంటీ ఇన్‌ఫ్లమేటరీ ప్రాపర్టీస్‌తో గర్భాశయ కండరాలు రిలాక్స్ అవుతాయి. రక్తనాళాలను సంకోచింపజేసి అధిక రక్తస్రావాన్నీ ఇది నివారించగలదు. వికారం, కడుపులో తిప్పడం, జీర్ణ సమస్యల నుంచి ఉపశమనం కల్పిస్తుంది.
News November 29, 2024
రైతులకు ఏడాదిలో ₹54,280 కోట్ల ప్రయోజనం: పొంగులేటి
TG: కాంగ్రెస్ ప్రభుత్వం అన్నదాతల సంక్షేమానికి అగ్రపీఠం వేస్తోందని మంత్రి పొంగులేటి అన్నారు. ఏడాది కాలంలోనే అన్నదాతలకు ₹54,280కోట్ల ప్రయోజనం చేకూరిందని వివరించారు. 22లక్షలకుపైగా రైతులకు ₹17,870Cr రుణమాఫీ, పంటల బీమాకు ₹1,300Cr, ధాన్యం కొనుగోళ్లకు ₹5,040Cr, ఉచిత్ విద్యుత్‌కు ₹10,444Cr, రైతు భరోసాకు ₹7,625Cr, బీమా ప్రీమియానికి ₹1,455Cr, గత యాసంగి ధాన్యం కొనుగోళ్లకు ₹10,547Cr వెచ్చించినట్లు తెలిపారు.
News November 29, 2024
జైలు జీవితం చిన్న గ్యాప్ మాత్రమే: MLC కవిత
TG: జైలుకు వెళ్లొచ్చిన వారు CM అవుతారనుకుంటే KTRకు ఆ ఛాన్స్ లేదని, ఎందుకంటే కవిత ఆల్రెడీ జైలుకు వెళ్లొచ్చారని CM రేవంత్ వ్యాఖ్యలపై MLC కవిత స్పందించారు. సెన్సేషన్ కోసమే రేవంత్ కామెంట్స్ చేస్తున్నారని ఆమె అన్నారు. తన రాజకీయ ప్రయాణంలో జైలు జీవితం కేవలం చిన్న గ్యాప్ మాత్రమేనన్నారు. లగచర్ల భూసేకరణ రద్దు BRS విజయమన్న కవిత.. హాస్టల్స్‌లో అమ్మాయిలు చనిపోతే ప్రభుత్వం విఫలమైనట్లు కాదా? అని ప్రశ్నించారు.