India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 27, 2024
YCP నేత శిల్పాకు హైడ్రా నోటీసులు
TG: వైసీపీ నేత, మాజీ మంత్రి శిల్పా మోహన్‌రెడ్డికి హైడ్రా నోటీసులు పంపింది. సంగారెడ్డి జిల్లా సదాశివపేట మండలం నాగ్సాన్‌పల్లిలోని నల్లవాగును శిల్పా కబ్జా చేసి వెంచర్ ఏర్పాటు చేసినట్లు అధికారులు గుర్తించారు. తాజాగా సర్వే చేపట్టి వెంచర్‌లోని ఆక్రమణలను అధికారులు కూల్చివేస్తున్నారు.
News September 27, 2024
UNSC మెంబర్‌షిప్: భారత్‌కు యూకే సపోర్ట్
UNSCలో భారత శాశ్వత సభ్యత్వానికి UK PM కీర్ స్టార్మర్ సపోర్ట్ ఇచ్చారు. ‘కౌన్సిల్లో ఆఫ్రికాకు శాశ్వత ప్రాతినిధ్యం ఉండాలి. భారత్, బ్రెజిల్, జపాన్, జర్మనీని శాశ్వత సభ్యులుగా చూడాలనుకుంటున్నాం. ఎన్నికైన సభ్యులకు ఎక్కువ సీట్లు ఉండాలి’ అని అన్నారు. కొన్నాళ్ల కిందటే జో బైడెన్, ఇమ్మాన్యుయేల్ మేక్రాన్ భారత్‌కు మద్దతిచ్చిన సంగతి తెలిసిందే. ప్రస్తుతం UNSCలో 5 శాశ్వత, 10 తాత్కాలిక సభ్య దేశాలు ఉన్నాయి.
News September 27, 2024
KKR మెంటార్‌గా డ్వేన్ బ్రావో
వెస్టిండీస్ మాజీ ఆల్‌రౌండర్ డ్వేన్ బ్రావో క్రికెట్‌కు రిటైర్మెంట్ ప్రకటించడంతో ఆయన అభిమానులు నిరాశ చెందారు. కానీ, ఐపీఎల్‌-2025లో మెంటర్‌గా తిరిగి తన మార్క్‌ను చూపేందుకు సిద్ధమయ్యారు. కోల్‌కతా నైట్ రైడర్స్ మెంటార్‌గా బ్రావోను నియమిస్తున్నట్లు KKR తెలిపింది. గత సీజన్‌లో మెంటార్‌గా ఉన్న గంభీర్ టీమ్ఇండియా హెడ్ కోచ్‌గా వెళ్లారు. ఆయన స్థానంలో జట్టు గెలుపు కోసం బ్రావో కృషి చేయనున్నారు.
News September 27, 2024
IPL అభిమానులకు బ్యాడ్ న్యూస్?
IPL-2025లో మ్యాచ్‌ల సంఖ్యను 84కు పెంచేది లేదని BCCI తేల్చిచెప్పినట్లు తెలుస్తోంది. గతంలో మాదిరి 74 మ్యాచ్‌లే ఆడించాలని నిర్ణయించినట్లు సమాచారం. ఆటగాళ్లపై అదనపు ఒత్తిడి లేకుండా ఉండేందుకే ఈ నిర్ణయం తీసుకున్నట్లు తెలుస్తోంది. దీనిపై త్వరలోనే అధికారిక ప్రకటన రానున్నట్లు సమాచారం. కాగా వచ్చే సీజన్‌లో 84 మ్యాచ్‌లు ఆడించాలని గతంలో BCCI యోచించింది. ఇప్పుడు ఆ నిర్ణయాన్ని మార్చుకున్నట్లు తెలుస్తోంది.
News September 27, 2024
జగన్ తిరుపతి పర్యటన.. కూటమి కీలక నిర్ణయం
AP: మాజీ సీఎం, వైసీపీ అధినేత జగన్ ఈరోజు తిరుపతిలో పర్యటించనున్న విషయం తెలిసిందే. ఈ నేపథ్యంలో ఎన్డీయే కూటమి నేతలు సమావేశమయ్యారు. జగన్ పర్యటనను అడ్డుకోవద్దని నిర్ణయించారు. అయితే లడ్డూ కల్తీకి కారణం జగనే అని, ఆయన వెళ్లే దారిలో శాంతియుతంగా నిరసన వ్యక్తం చేయాలని శ్రేణులకు పిలుపునిచ్చారు.
News September 27, 2024
చరిత్ర సృష్టించేందుకు 35 పరుగులు కావాలి!
రన్ మెషీన్ విరాట్ కోహ్లీ అరుదైన జాబితాలో చేరనున్నారు. 534 అంతర్జాతీయ మ్యాచ్‌ల్లో 26,965 పరుగులు చేశారు. మరో 35 చేస్తే అత్యంత వేగంగా 27వేల రన్స్ పూర్తి చేసిన బ్యాటర్‌గా చరిత్ర సృష్టించనున్నారు. కాన్పూర్‌లోని గ్రీన్ పార్క్‌లో బంగ్లాదేశ్‌తో జరగనున్న రెండో టెస్టులో ఆయన 35 రన్స్ చేస్తే ఇది సాధ్యమవుతుంది. కాగా, సచిన్, సంగక్కర, రికీ పాటింగ్‌ మాత్రమే 27వేల పరుగులు పూర్తిచేశారు. కోహ్లీ ఈ జాబితాలో చేరతారా?
News September 27, 2024
థియేటర్‌లో ‘దేవర’ చూస్తూ అభిమాని మృతి
AP: జూ.ఎన్టీఆర్ ‘దేవర’ విడుదల సందర్భంగా కడపలో విషాదం చోటు చేసుకుంది. స్థానిక అప్సర థియేటర్‌లో సినిమా చూస్తూ మస్తాన్ వలీ అనే అభిమాని కుప్పకూలాడు. వెంటనే అతడిని ఓ ప్రైవేట్ ఆస్పత్రికి తరలించగా అప్పటికే మరణించినట్లు వైద్యులు ధ్రువీకరించారు. మృతికి గుండెపోటే కారణమని భావిస్తున్నారు. మృతుడిది సీకే దిన్నె మండలం జమాల్‌పల్లిగా గుర్తించారు.
News September 27, 2024
ఏటీసీల్లో ఉద్యోగాల భర్తీకి కసరత్తు
TG: నైపుణ్యాభివృద్ధి కార్యక్రమంలో భాగంగా రాష్ట్ర ప్రభుత్వం ఐటీఐలను అడ్వాన్స్‌డ్ టెక్నాలజీ సెంటర్(ఏటీసీ)లుగా అప్‌గ్రేడ్ చేసిన విషయం తెలిసిందే. అందులో దాదాపు 40శాతం ఉద్యోగాలు ఖాళీగా ఉన్నట్లు తెలుస్తోంది. మొత్తం 65 ఏటీసీల్లో వివిధ విభాగాల్లో 2,033 ఉద్యోగాలు మంజూరు కాగా దాదాపు 1,500 శిక్షకుల పోస్టుల్లో 740 ఖాళీలు ఉన్నట్లు సమాచారం. ఏ కేటగిరీలో ఎన్ని ఖాళీలున్నాయో గుర్తించడంలో అధికారులు నిమగ్నమయ్యారు.
News September 27, 2024
జస్ట్ ఆస్కింగ్.. మనకేం కావాలి?: ప్రకాశ్ రాజ్
ఏపీ డిప్యూటీ సీఎం పవన్ కళ్యాణ్‌తో మాటల <<14183092>>యుద్ధం<<>> నేపథ్యంలో నటుడు ప్రకాశ్ రాజ్ మరో ట్వీట్ చేశారు. ‘మనకేం కావాలి.. ప్రజల్లో భావోద్వేగాలను రెచ్చగొట్టి, తద్వారా రాజకీయ లబ్ధిని సాధించడమా? లేక ప్రజల మనోభావాలు గాయపడకుండా పరిపాలనా సంబంధమైన, అవసరమైతే తీవ్రమైన చర్యలతో సున్నితంగా సమస్యను పరిష్కరించుకోవడమా? జస్ట్ ఆస్కింగ్’ అని ఆయన రాసుకొచ్చారు. పవన్‌ను ఉద్దేశించే ఈ ప్రశ్నలు సంధించినట్లు తెలుస్తోంది.
News September 27, 2024
తిరుమలకు జగన్.. పోలీసుల ఆంక్షలు
AP: తిరుపతి జిల్లాలో అక్టోబర్ 24 వరకు ఆంక్షలు అమల్లో ఉంటాయని పోలీసులు తెలిపారు. అనుమతి లేకుండా సభలు, ర్యాలీలు నిర్వహించొద్దని, నిబంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు. మరోవైపు జగన్ తిరుమలకు రానున్న సందర్భంగా వైసీపీ నేతలకు పోలీసులు నోటీసులు జారీ చేశారు. తిరుమల వెళ్లొద్దంటూ టీటీడీ మాజీ ఛైర్మన్ భూమన కరుణాకర్ రెడ్డి, ఎంపీ గురుమూర్తి, మేయర్ శిరీష తదితర నేతలకు నోటీసులిచ్చారు.
Featured News
Sorry, no posts matched your criteria.