News November 12, 2024
అమృత్ టెండర్లలో అవినీతి పెద్ద జోక్: కోమటిరెడ్డి
TG: కేసుల నుంచి బయటపడేందుకే కేటీఆర్ ఢిల్లీ వెళ్లారని మంత్రి కోమటిరెడ్డి విమర్శించారు. అమృత్ టెండర్లలో అవినీతి జరిగిందనేది పెద్ద జోక్ అని చెప్పారు. ‘CM రేవంత్‌కు సృజన్ రెడ్డి తోకచుట్టం. కవిత, సృజన్ రెడ్డిలు వ్యాపార భాగస్వాములు. పాలమూరు టన్నెల్ పనులను వారిద్దరే చేశారు. దీనికి KTR సమాధానమివ్వాలి. అధికారులపై దాడులు, అమృత్ టెండర్లలో అవినీతి అని డైవర్షన్ పాలిటిక్స్‌ చేస్తున్నారు’ అని మంత్రి తెలిపారు.
Similar News
News December 6, 2024
12న ‘SDT18’ టైటిల్, గ్లింప్స్
సుప్రీం హీరో సాయిధరమ్ తేజ్ కొత్త సినిమా ‘SDT18’ టైటిల్, గ్లింప్స్‌ను ఈనెల 12న విడుదల చేయనున్నట్లు మేకర్స్ ప్రకటించారు. కత్తి పట్టుకుని ఉన్న పోస్టర్‌ను ట్విటర్‌లో పోస్ట్ చేశారు. దీన్నిబట్టి తేజ్ ఈసారి మాస్ మూవీతో ప్రేక్షకుల ముందుకు రానున్నట్లు తెలుస్తోంది. ఈ చిత్రంతో రోహిత్ కేపీ డైరెక్టర్‌గా పరిచయం కాబోతున్నారు. ఐశ్వర్య లక్ష్మి, అనన్య నాగళ్ల కీలకపాత్రలో నటిస్తున్నారు.
News December 6, 2024
తెలుగు రాష్ట్రాలకు కేంద్రం గుడ్ న్యూస్
తెలంగాణకు కొత్తగా 7 జవహర్ నవోదయ విద్యాలయాలు, ఏపీకి 8 కేంద్రీయ విద్యాలయాలను కేంద్రం ప్రకటించింది. TGలోని జగిత్యాల, NZB, కొత్తగూడెం, మేడ్చల్, MBNR, సంగారెడ్డి, సూర్యాపేట జిల్లాలకు నవోదయ విద్యాలయాలను కేటాయించింది. ఏపీలోని అనకాపల్లి, చిత్తూరులో వలసపల్లె, సత్యసాయి జిల్లాలో పాలసముద్రం, గుంటూరులో తాళ్లపల్లె, రొంపిచర్ల, కృష్ణాలో నూజివీడు, నందిగామ, నంద్యాలలోని డోన్‌లో KVBల ఏర్పాటుకు ఆమోదం తెలిపింది.
News December 6, 2024
ప్ర‌త్య‌ర్థి పార్టీ నేత కుమార్తెతో కొడుకు పెళ్లి.. సీనియర్ లీడర్ సస్పెండ్
కొడుకు పెళ్లి పార్టీ క్ర‌మ‌శిక్ష‌ణారాహిత్యం కిందికి వ‌స్తుంద‌ని ఆ BSP నేత ఊహించి ఉండ‌క‌పోవ‌చ్చు. కానీ అదే జరిగింది. UPలోని రాంపూర్ జిల్లా BSP నేత సురేంద్ర సాగ‌ర్ త‌న కుమారుడి పెళ్లి SP MLA త్రిభువ‌న్ ద‌త్ కుమార్తెతో చేశారు. దీంతో ప్ర‌త్య‌ర్థి పార్టీ నేత‌తో సంబంధం కుదుర్చుకున్నందుకు సీనియర్ నేత అని కూడా చూడకుండా సురేంద్రతోపాటు పార్టీ జిల్లా అధ్య‌క్షుడిని కూడా చీఫ్ మాయావ‌తి సస్పెండ్ చేశారు.