News December 5, 2025
FEB 8 నుంచి శ్రీశైల బ్రహ్మోత్సవాలు
AP: నంద్యాల(D)లోని శ్రీశైల మల్లన్న ఆలయంలో ఫిబ్రవరి 8 నుంచి 18 వరకు మహాశివరాత్రి బ్రహ్మోత్సవాలు జరగనున్నాయి. లక్షలాది మంది భక్తులు రానుండటంతో పటిష్ఠ ఏర్పాట్లు చేయాలని EO శ్రీనివాసరావు అధికారులను ఆదేశించారు. క్యూలు, మంచినీరు, అటవీ ప్రాంతంలో నడకదారి భక్తులకు ఏర్పాట్లపై ప్రత్యేక దృష్టిసారించాలని సూచించారు. FEB 15న పాగాలంకరణ, బ్రహ్మోత్సవ కళ్యాణం, 16న స్వామి అమ్మవార్ల రథోత్సవం ఘనంగా నిర్వహించాలన్నారు.
Similar News
News January 19, 2026
BJP కొత్త అధ్యక్షుడి ఘనత ఇదే
BJP జాతీయ అధ్యక్షుడిగా ఎన్నికైన నితిన్ నబీన్ బిహార్ నుంచి ఈ పదవికి చేరిన తొలి నేతగా, అతి పిన్న వయస్కుడిగా చరిత్ర సృష్టించారు. బంకీపూర్ ఎమ్మెల్యేగా 4 సార్లు, పట్నా వెస్ట్ నుంచి ఒకసారి విజయం సాధించిన ఆయన బిహార్లో రహదారుల శాఖ మంత్రిగా పనిచేశారు. BJP యువ మోర్చా అధ్యక్షుడిగా, ఛత్తీస్గఢ్ ఇన్ఛార్జ్గా అనుభవం ఉంది. కష్టపడి ఎదిగిన నేతగా పేరొందారు.
News January 19, 2026
వేధింపులకు చెక్ పెట్టాలంటే..
ప్రస్తుతకాలంలో చదువులు, ఉద్యోగం, ఉపాధి నిమిత్తం చాలామంది మహిళలు ఉన్న ఊరు, అయిన వారికి దూరంగా ఉంటున్నారు. ఈ క్రమంలో కొన్నిసార్లు ఆకతాయిల వేధింపులు ఎదురైనపుడు రక్షణ కోసం ప్రభుత్వం కొన్ని టోల్ఫ్రీ నంబర్లు అందుబాటులోకి తెచ్చింది. గృహ హింస, వరకట్నం బాధితులైతే 181, మహిళల అక్రమ రవాణా, లైంగిక వేధింపులపై 1091, చిన్న పిల్లలపై అఘాయిత్యాలు, వేధింపులకు సంబంధించి 1089 నంబర్లకు ఫోన్ చేసి ఫిర్యాదు చేయొచ్చు.
News January 19, 2026
మహిళలపై నిందలు, డ్రెస్సింగ్పై రూల్స్ కరెక్ట్ కాదు: రేణుకా చౌదరి
TG: మంత్రులు, మహిళా అధికారులపై నిందలు మోపడం కరెక్ట్ కాదని కాంగ్రెస్ నేత, MP రేణుకా చౌదరి అన్నారు. మహిళలను కించపరుస్తూ కొందరు SMలో పోస్టులు పెడుతున్నారని ఓ ఇంటర్వ్యూలో మండిపడ్డారు. మహిళల డ్రెస్సింగ్ వివాదంపైనా ఆమె స్పందించారు. ‘ఆడవాళ్లు ఏం వేసుకోవాలో మీరెలా డిసైడ్ చేస్తారు. ఇలాంటి రూల్స్ మీ ఇంట్లో వాళ్లకి పెట్టుకోండి’ అని అన్నారు. వచ్చే లోక్సభ ఎన్నికల్లో ఖమ్మం నుంచి తానే పోటీ చేస్తానని చెప్పారు.