News November 26, 2025
GWL: ఎన్నికల బాధ్యతలు పకడ్బందీగా నిర్వహించాలి: కలెక్టర్
గ్రామ పంచాయతీ ఎన్నికల్లో నోడల్ అధికారులు తమకు కేటాయించిన బాధ్యతలను పకడ్బందీగా నిర్వహించాలని కలెక్టర్ సంతోష్ ఆదేశించారు. బుధవారం కాన్ఫరెన్స్ హాల్‌లో నోడల్ అధికారుల నిర్వహణపై ఆయన సూచనలు చేశారు. ఎన్నికల విధుల్లో ఎక్కువ మంది విద్యాశాఖ సిబ్బంది పాల్గొంటున్నందున, మ్యాన్ పవర్ నిర్వహణ బాధ్యతలను ఆ శాఖ అధికారులు చూసుకోవాలన్నారు. బదిలీ అయిన సిబ్బందిని మినహాయించాలని ఆదేశించారు.
Similar News
News November 29, 2025
జడ్చర్ల: విద్యార్థిపై దాడి.. పాఠశాలకు నోటీసులు
జడ్చర్ల పట్టణంలోని స్వామి నారాయణ గురుకుల పాఠశాలలో విద్యార్థిపై ఉపాధ్యాయుడి దాడి గురించి స్థానిక న్యాయవాది పెద్దింటి రవీంద్రనాథ్ మానవ హక్కుల సంఘానికి ఫిర్యాదు చేయగా స్పందించిన కమిషన్ పాఠశాలకు నోటీసు జారీ చేసింది. ఈ విషయంపై విచారణ జరిపి డిసెంబరు 12వ తేదీన నివేదికను అందజేయాలని డీఈఓ ను కోరినట్లు, న్యాయవాది పెద్దింటి రవీంద్రనాథ్ తెలిపారు.
News November 29, 2025
ప్రొద్దుటూరు: పెరిగిన బంగారు, వెండి ధరలు
ప్రొద్దుటూరు బులియన్ మార్కెట్లో శనివారం బంగారు, వెండి ధరలు పెరిగాయి.
* బంగారు 24 క్యారెక్టర్ ఒక గ్రాము ధర రూ.12,700
* బంగారు 22 క్యారెక్టర్ ఒక గ్రాము ధర రూ.11,684
* వెండి 10 గ్రాములు ధర రూ.1,730.
శుక్రవారం బంగారు 24 క్యారెక్టర్ ఒక గ్రాము ధర రూ.12,590 ఉండగా, నేడు రూ.12,700, 22 క్యారెక్టర్ ఒక గ్రాము ధర రూ.11,583 ఉండగా, నేడు రూ.11,684, వెండి 10 గ్రాములు ధర రూ.1,680, నేడు రూ.1,730కు పెరిగింది.
News November 29, 2025
పరీక్షా కేంద్రం వద్ద ఆంక్షలు అమలు: సీపీ
D.El.Ed పరీక్షా కేంద్రం వద్ద 163 బీఎన్ఎస్ఎస్-2023 సెక్షన్ అమలులో ఉంటుందని సిద్దిపేట సీపీ ఎం.విజయ్ కుమార్ తెలిపారు. సిద్దిపేట ప్రభుత్వ పాఠశాల వద్ద డిసెంబర్ 1 నుంచి 6వ తేదీ వరకు, ఉదయం 7 గంటల నుంచి మధ్యాహ్నం 2 గంటల వరకు ఈ సెక్షన్ అమలులో ఉంటుందని పేర్కొన్నారు. పరీక్షా కేంద్రం నుంచి 500 మీటర్ల పరిధి వరకు ప్రజలు గుమిగూడటం, గుంపులుగా తిరగడం నిషేధమని, నిబంధనలు పాటించి సహకరించాలని సీపీ కోరారు.