News August 13, 2025
HYD: మీ దానం.. స‘జీవం’
తాను మరణించినా మరొకరు బతకాలనే ఆలోచన గొప్పది. ఈ విషయంలో HYD దాతలకు చేతులెత్తి మొక్కాల్సిందే. ఇటీవల నార్సింగికి చెందిన డా.భూమిక బ్రెయిన్డెడ్ కావడంతో అవయవదానం చేసి ఆరుగురికి ప్రాణం పోసింది. గతంలో CYB కానిస్టేబుల్ ఆంజనేయులుకు యాక్సిడెంట్లో బ్రెయిన్డెడ్ అయ్యింది. ఆర్గాన్ డొనేట్ చేసి, 8 మందికి ప్రాణం పోశాడు. ఇలాంటి దాతలు సిటీలో ఎందరో ఉన్నారు. వారికి సెల్యూట్ చేద్దాం.
నేడు ప్రపంచ అవయవదాన దినోత్సవం.
Similar News
News March 9, 2026
బ్లాక్ మార్కెట్లో సిలిండర్ ధర ₹1500
ఇరాన్ యుద్ధం కారణంగా భారత్లో LPG సిలిండర్లకు డిమాండ్ పెరిగింది. కొన్ని చోట్ల (UP) బ్లాక్ మార్కెట్లో ధర ₹1,500కు చేరింది. యుద్ధం నేపథ్యంలో మార్చి 7న డొమెస్టిక్ సిలిండర్ ధర ₹60 పెరగడంతో ప్రజలు భయంతో పానిక్ బయింగ్ మొదలుపెట్టారు. దీనివల్ల గ్యాస్ ఏజెన్సీల ముందు భారీ క్యూలు కనిపిస్తున్నాయి. ఈ పరిస్థితిని అరికట్టేందుకు ప్రభుత్వం 2 సిలిండర్ బుకింగ్ల మధ్య 25 రోజుల గ్యాప్ ఉండాలనే రూల్ తీసుకొచ్చింది.
News March 9, 2026
HPV టీకా కార్యక్రమాన్ని ప్రారంభించిన పార్వతీపురం కలెక్టర్
పార్వతిపురం కేంద్రంలోని ఏరియా ఆసుపత్రిలో HPV టీకా కార్యక్రమాన్ని కలెక్టర్ ప్రభాకర్ రెడ్డి సోమవారం ప్రారంభించారు. మహిళల ఆరోగ్య రక్షణే ప్రధాన ధ్యేయంగా ఈ కార్యక్రమానికి శ్రీకారం చుట్టామన్నారు. ముఖ్యంగా మహిళల్లో వచ్చే గర్భాశయ క్యాన్సర్ను నివారించే దిశగా ప్రభుత్వం టీకా పంపిణీ కార్యక్రమం చేపట్టిందన్నారు. బహిరంగ మార్కెట్లో టీకా ధర రూ.4,000 పైగా ఉన్నప్పటికీ ప్రభుత్వం ఉచితంగా అందిస్తుందన్నారు.
News March 9, 2026
మహిళలూ HYD వెళ్తున్నారా… అయితే త్వరలో మీకోసం ఓ యాప్
TG: విద్య, ఉపాధి కోసం ఇతర ప్రాంతాల నుంచి HYDకి వచ్చే మహిళల కోసం ఓ యాప్ను GOVT తెస్తోంది. వారికి వసతి, భద్రత కల్పించే లక్ష్యంతో దీన్ని రూపొందిస్తోంది. యాప్ ద్వారా GOVT, గుర్తింపు పొందిన వర్కింగ్ ఉమెన్స్ హాస్టళ్లలోని రూములను ముందుగా బుక్ చేసుకోవచ్చు. హాస్టళ్లలో CCTV కెమెరాలు, సెక్యూరిటీతో పటిష్ఠ ఏర్పాట్లుంటాయి. TNలో అమల్లో ఉన్న ఇలాంటి యాప్ను పరిశీలించిన అధికారులు త్వరలో ఇక్కడా ప్రారంభించనున్నారు.