News August 26, 2024

IR, PRC ప్రకటించాలి: బొప్పరాజు

AP: ఉద్యోగులకు మధ్యంతర భృతి, 12వ PRCని ప్రకటించాలని రెవెన్యూ ఉద్యోగుల సంఘం రాష్ట్ర అధ్యక్షుడు బొప్పరాజు వెంకటేశ్వర్లు ప్రభుత్వాన్ని డిమాండ్ చేశారు. ‘ఏ కార్యాలయంలోనూ పాత రికార్డులకు భద్రత లేదు. మదనపల్లె దస్త్రాల దహనం కేసులో దోషులెవరో తేలలేదు. ఈ ఘటనలతో ఉద్యోగులు భయపడుతున్నారు. మాపై తప్పుడు అభిప్రాయానికి రావొద్దు. సీఐడీ విచారణ పూర్తయ్యాక నిర్ణయానికి వద్దాం’ అని విజయవాడలో మీడియా సమావేశంలో చెప్పారు.