News November 3, 2024
గాజాపై ఇజ్రాయెల్ దాడులు.. 23 మంది మృతి
గాజాలో ఉగ్ర‌వాద సంస్థ హ‌మాస్ తిరిగి పుంజుకోకుండా ఇజ్రాయెల్ ద‌ళాలు దాడిని తీవ్ర‌ం చేశాయి. అదివారం ఉత్త‌ర గాజా స‌హా ప‌లు ప్రాంతాల‌పై జరిపిన దాడుల్లో 23 మంది మృతి చెందారు. గత 48 గంటల్లో గాజాపై ఇజ్రాయెల్ జరిపిన దాడుల్లో 50 మంది చిన్నారులు మృతి చెందడంపై UNICEF ఖండించింది. మ‌రోవైపు లెబ‌నాన్‌లో హెజ్బొల్లాకు గ‌ట్టి ఎదురుదెబ్బ త‌గిలింది. ఇజ్రాయెల్ దాడుల్లో టాప్‌ కమాండర్‌ జాఫర్‌ ఖాదర్‌ ఫార్ హ‌త‌మ‌య్యారు.
Similar News
News December 13, 2024
రాహుల్ గాంధీకి అల‌హాబాద్ కోర్టు స‌మ‌న్లు
జోడో యాత్ర‌లో సావ‌ర్క‌ర్‌పై అనుచిత వ్యాఖ్యలు చేశారంటూ దాఖ‌లైన పిటిష‌న్‌పై రాహుల్ గాంధీకి లక్నో కోర్టు స‌మ‌న్లు జారీ చేసింది. సావ‌ర్క‌ర్ బ్రిటిష్ పాల‌కుల‌కు సేవ‌లందించార‌ని, పింఛ‌న్ కూడా తీసుకున్నారంటూ రాహుల్ ఉద్దేశపూర్వకంగా రెచ్చగొట్టే వ్యాఖ్యలు చేశారని ఓ న్యాయ‌వాది పిటిష‌న్ వేశారు. దీనితో ఏకీభవించిన కోర్టు అభియోగాలపై విచారణ ఎదుర్కొనేందుకు జనవరి 10న త‌మ ముందు హాజ‌రుకావాల‌ని ఆదేశించింది.
News December 13, 2024
బిడ్డకు జన్మనిచ్చిన ప్రముఖ హీరోయిన్
ప్రముఖ హీరోయిన్ రాధికా ఆప్టే తల్లి అయ్యారు. తాను బిడ్డకు జన్మనిచ్చిన విషయాన్ని ఆమె తాజాగా వెల్లడించారు. బిడ్డకు పాలిస్తూ ల్యాప్‌టాప్‌తో వర్క్ చేస్తున్న ఫొటోను ఆమె పంచుకున్నారు. 2011లో బ్రిటన్‌కు చెందిన బెనెడిక్ట్ టేలర్‌తో లివింగ్ టుగెదర్ తర్వాత 2012లో ఆమె పెళ్లి చేసుకున్నారు. దీంతో ఈ జంటకు అందరూ శుభాకాంక్షలు చెబుతున్నారు.
News December 13, 2024
‘పిల్లిపై ప్రేమ ఒల‌క‌బోస్తున్నాడు’.. భ‌ర్త‌పై భార్య కేసు
పిల్లిపై అధిక ప్రేమ చూపిస్తున్నాడంటూ ఓ భ‌ర్త‌పై భార్య IPC 498A కింద గృహ హింస కేసు పెట్టారు. దీనిని క‌ర్ణాట‌క HC జడ్జి జ‌స్టిస్ నాగ‌ప్ర‌స‌న్న విచారించారు. త‌న కంటే పిల్లినే ప్రేమ‌గా చూస్తున్నారని భార్య చేసిన ఆరోప‌ణ‌ల‌కు, కేసు పెట్టిన సెక్ష‌న్ల‌కు సంబంధం లేద‌ని జడ్జి పేర్కొన్నారు. దీనిపై విచార‌ణ‌కు ఆదేశించ‌డం చ‌ట్టాన్ని దుర్వినియోగం చేయ‌డ‌మే అవుతుంద‌న్నారు. భ‌ర్త‌కు మ‌ధ్యంత‌ర ర‌క్షణ క‌ల్పించారు.