News October 8, 2025

MDK: కూలీ పనులకు వెళ్లి.. మృత్యు ఒడికి.!

మెదక్ జిల్లా నిజాంపేటకు చెందిన కొమ్మట మొద్దు ఎల్లం (25) రోడ్డు ప్రమాదంలో మృతి చెందిన ఘటన బుధవారం ఉదయం చోటుచేసుకుంది. హైదరాబాద్‌లోని మేడ్చల్‌లో కూలి పని చేస్తూ జీవనం సాగిస్తున్న ఎల్లం, రోజు మాదిరిగానే పనికి వెళ్తుండగా ఈరోజు ఉదయం గుర్తుతెలియని వాహనం ఢీకొట్టింది. తీవ్ర గాయాలతో సంఘటనా స్థలంలోనే మృతి చెందాడు. ఈ ఘటనపై మేడ్చల్ పోలీసులు కేసు నమోదు చేసి, నిజాంపేట పోలీసులకు సమాచారం అందించారు.