News November 23, 2024
అమెరికా టీవీ ఛానల్ కొనుగోలు చేయనున్న మస్క్?
అపర కుబేరుడు ఎలాన్ మస్క్ అమెరికాకు చెందిన ప్రముఖ న్యూస్ ఛానల్ MSNBCని కొనుగోలు చేయనున్నట్లు వార్తలొస్తున్నాయి. MSNBC అమ్మకానికి ఉందన్న ఓ పోస్టుకు జూనియర్ ట్రంప్ స్పందిస్తూ మస్క్‌ను అడిగారు. దీనిని ఎంతకు అమ్ముతున్నారంటూ ఆయన రిప్లై ఇచ్చారు. ప్రముఖ పాడ్‌కాస్టర్ జో రోగన్ కూడా ఇది ఓకే అయితే తాను ఓ షో చేస్తానని చెప్పడంతో దీనిని తప్పకుండా చేయాలంటూ జూ.ట్రంప్ చెప్పడంతో డీల్ డన్ అంటూ మస్క్ హామీ ఇచ్చారు.
Similar News
News November 23, 2024
60% ముస్లిం ఓట్లు.. 11 మంది ముస్లిం అభ్యర్థులు: భారీ విజయంవైపు BJP
UPలోని కుండార్కి బైఎలక్షన్లో BJP రికార్డులు బద్దలుకొట్టనుంది. 30 ఏళ్ల తర్వాత విజయం సాధించబోతోంది. 60% ముస్లిములు ఉండే ఈ సీట్లో BJP అభ్యర్థి రామ్‌వీర్ సింగ్ 19/32 రౌండ్లు ముగిసే సరికి 98,537 ఓట్ల ఆధిక్యంతో దూసుకెళ్తున్నారు. ఆయనకు 1,11,470 ఓట్లు రాగా SP అభ్యర్థి మహ్మద్ రిజ్వాన్‌కు 12,933 ఓట్లే వచ్చాయి. ఈ ఎన్నికల్లో 11 మంది ముస్లిం అభ్యర్థులతో తలపడి రామ్‌వీర్ విజయం సాధించబోతుండటం సంచలనంగా మారింది.
News November 23, 2024
ఘోర ఓటమి నుంచి రేవంత్ కాపాడలేకపోయారు: KTR
TG: CM రేవంత్ సభలు, సమావేశాలు MHలో కాంగ్రెస్‌ను ఘోర ఓటమి నుంచి కాపాడలేకపోయాయని KTR ఎద్దేవా చేశారు. రాష్ట్ర ప్రజలకు ఇచ్చిన 6 గ్యారంటీ హామీలపై సీఎం ఇప్పుడు ఫోకస్ చేయాలని హితవు పలికారు. దేశ రాజకీయాల భవిష్యత్తు ప్రాంతీయ పార్టీలే అని తాజా ఎన్నికల ఫలితాలు స్పష్టం చేసినట్లు ట్వీట్ చేశారు. కేంద్రంలో బలమైన ప్రతిపక్షంగా నిలవలేకపోయిన కాంగ్రెస్ పొత్తులతో ప్రాంతీయ పార్టీలను దెబ్బతీస్తోందని ఆరోపించారు.
News November 23, 2024
భర్తకు తోడుగా, పార్టీకి అండగా.. JMM విజయం వెనుక కల్పన
ఝార్ఖండ్‌లో JMM విజయం వెనుక కల్పనా సోరెన్ పాత్ర కీలకం. భర్త హేమంత్ సోరెన్ అరెస్టు తర్వాత ఆమె పార్టీ బాధ్యతలను భుజాన వేసుకున్నారు. 39 ఏళ్లకే ఎంతో పరిణతితో వ్యవహరించారు. పార్టీ, కుటుంబ గొడవలను చాకచక్యంగా డీల్ చేశారు. గాండేయ్ బైఎలక్షన్లో గెలిచి తొలిసారి అసెంబ్లీలో అడుగుపెట్టారు. హేమంత్ జైలు నుంచి వచ్చాక ఆయనతో కలిసి 200 సభల్లో పాల్గొన్నారు. భర్తకు తోడుగా, పార్టీకి అండగా నిలబడి విజయతీరాలకు చేర్చారు.