News December 2, 2025
NGKL:జర్నలిస్టుల మహాధర్నాను విజయవంతం చేయాలి
జర్నలిస్టుల సమస్యలపై ప్రభుత్వ నిర్లక్ష్యాన్ని ఖండిస్తూ DEC 3న HYD I&PR కమిషనర్ కార్యాలయం వద్ద TUWJ(IJU) ఆధ్వర్యంలో జరిగే మహాధర్నాను విజయవంతం చేయాలని టెమా పాలమూరు జిల్లా కన్వీనర్ అహ్మద్ పాష పిలుపునిచ్చారు. అక్రిడిటేషన్ కార్డులు, హెల్త్ కార్డుల జారీపై ప్రభుత్వం కాలయాపన చేస్తోందన్నారు. అక్రిడిటేషన్ పాలసీ ప్రకటించి కొత్త కార్డులు జారీ చేయాలని, ఆరోగ్య బీమా పథకాన్ని పునరుద్ధరించాలని అన్నారు
Similar News
News February 13, 2026
శివ నామాలు అర్థాలు ‘‘అర్ధనారీశ్వర’’
ప్రకృతి, పురుషుడు వేరు కాదని చాటిచెప్పే అద్భుత రూపమిది. లోక కల్యాణం కోసం శివుడు తన శరీరంలో సగభాగాన్ని పార్వతీ దేవికి ఇచ్చి ‘అర్ధనారీశ్వరుడు’ అయ్యాడు. కుడిభాగం శివుడు(పురుష తత్త్వం), ఎడమభాగం పార్వతి(స్త్రీ తత్త్వం). సృష్టిలో స్త్రీపురుషులు సమానమని, ఒకరిలో ఒకరు ఇమిడి ఉన్నారని ఈ రూపం తెలియజేస్తుంది. శక్తి లేనిదే శివుడు లేడు. శివుడు లేనిదే శక్తి లేదు అనే పరమ సత్యాన్ని ఈ రూపం ద్వారా మనం గ్రహించవచ్చు.
News February 13, 2026
607 అప్రెంటిస్ పోస్టులకు నోటిఫికేషన్
నైవేలి లిగ్నైట్ కార్పొరేషన్ ఇండియా లిమిటెడ్(NLCIL) 607 ట్రేడ్ అప్రెంటిస్ పోస్టుల భర్తీకి నోటిఫికేషన్ విడుదల చేసింది. టెన్త్, ఐటీఐ అర్హత గల వారు ఫిబ్రవరి 25వరకు అప్లై చేసుకోవచ్చు. అభ్యర్థుల కనీస వయసు 18 ఏళ్లు. షార్ట్ లిస్టింగ్, ఇంటర్వ్యూ, మెడికల్ టెస్ట్ ద్వారా ఎంపిక చేస్తారు. నెలకు స్టైపెండ్ రూ.11,040 చెల్లిస్తారు. వెబ్సైట్: https://www.nlcindia.in
News February 13, 2026
వేసవి బీర సాగు.. ఇలా చేస్తే మేలు
తక్కువ కాలంలో ఎక్కువ దిగుబడినిచ్చే పంట బీర. ఎన్.ఎస్-3, ఎన్.ఎస్-40, సురేఖ, జగిత్యాల లాంగ్, జైపూర్ లాంగ్ రకాలతో అధిక దిగుబడి పొందవచ్చంటున్నారు నిపుణులు. ఉష్ణోగ్రతలు 18 డిగ్రీల కంటే తక్కువ ఉంటే బీరలో పూత, పిందె రాలే అవకాశం ఎక్కువ. 36 డిగ్రీల కంటే ఎక్కువ ఉంటే మగ పువ్వులు ఎక్కువగా వచ్చి దిగుబడి తగ్గుతుంది. అందుకే వేసవి బీర సాగును హరిత పందిర్లు కింద చేపడితే అధిక దిగుబడి వస్తుందంటున్నారు నిపుణులు.