India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 27, 2025
ఏ అవకాశాన్నీ వదులుకోవడం లేదు
ఢిల్లీ అసెంబ్లీ ఎన్నికల్లో సత్తా చాటేందుకు పార్టీలు అన్ని అవకాశాలూ వాడుకుంటున్నాయి. రాజధాని నగరం కావడంతో పాటు మెట్రో సిటీ అయిన హస్తినలో స్థానికులతో పాటు పొరుగు రాష్ట్రాల వారూ అధికం. ఇక కొంత మొత్తంలో దక్షిణాది వారూ ప్రభావం చూపుతారు. దీంతో ఢిల్లీలో ఓటున్న హరియాణా, రాజస్థాన్, పంజాబ్ రాష్ట్రాల ప్రజలకు పార్టీల నుంచి ఫోన్లు వెళ్తున్నాయి. దారి ఖర్చులతో పాటు మిగతావి తాము చూసుకుంటామని ఆఫర్ చేస్తున్నాయి.
News January 27, 2025
దర్శకుడిపై హీరో విశాల్ ఆగ్రహం
ఇళయరాజా సంగీతం వల్ల ఎంతోమంది తాగుబోతులుగా మారారని దర్శకుడు మిస్కిన్ వ్యాఖ్యలు చర్చకు దారి తీశాయి. దీంతో తాను సరదాగా అలా మాట్లాడానని ఆయన ఇటీవల క్షమాపణలు తెలిపారు. అయితే, పదే పదే నోరు పారేసుకోవడం, ఆ తర్వాత క్షమాపణలు చెప్పడం మిస్కిన్‌కు అలవాటుగా మారిందని నడిగర్ (తమిళ నటుల) సంఘం అధ్యక్షుడు విశాల్ మండిపడ్డారు. ఇలాంటివి తాను అసలు క్షమించనని స్పష్టం చేశారు. విశాల్‌తో మిస్కిన్ ‘తుప్పరివాలన్’ తీశారు.
News January 27, 2025
ఫోన్ ట్యాపింగ్ కేసులో కీలక పరిణామం
TG: రాష్ట్రంలో సంచలనం రేపిన ఫోన్ ట్యాపింగ్ కేసులో కీలక పరిణామం చోటు చేసుకుంది. కీలక నిందితుల్లో ఒకరైన అడిషనల్ ఎస్పీ తిరుపతన్నకు సుప్రీం కోర్టు బెయిల్ మంజూరు చేసింది. బెయిల్ అనంతరం విచారణకు సహకరించాలని జస్టిస్ బీవీ నాగరత్న, జస్టిస్ సతీశ్ చంద్రతో కూడిన బెంచ్ ఆదేశించింది. సాక్షులను ప్రభావితం చేయొద్దని, అవసరమైతే ట్రయల్ కోర్టు బెయిల్‌పై మరిన్ని షరతులు విధించాలని స్పష్టం చేసింది.
News January 27, 2025
32,438 ఉద్యోగాలు.. తెలుగులోనూ పరీక్ష
RRB చేపడుతున్న 32,438 లెవెల్-1 ఉద్యోగాలకు దరఖాస్తుల ప్రక్రియ కొనసాగుతోంది. 14 విభాగాల్లో ఈ పోస్టులను భర్తీ చేయనుండగా అందరికీ ఉమ్మడిగా పరీక్ష నిర్వహిస్తారు. AP, TGకి చెందిన అభ్యర్థులకు తెలుగులోనే ఎగ్జామ్ రాసే అవకాశం కల్పించారు. 100 మార్కులు గల పరీక్షలో ప్రతి తప్పు సమాధానానికి 1/3 మైనస్ మార్క్ ఉంటుంది. టెన్త్/ఐటీఐ/ఎన్‌సీవీటీ అప్రెంటిస్‌షిప్ సర్టిఫికెట్ ఉన్నవారు అర్హులు.
వెబ్సైట్: <
News January 27, 2025
ఛావా: శివాజీ డాన్స్ సీన్ తొలగిస్తున్న చిత్ర యూనిట్
‘ఛావా’లో విక్కీ కౌశల్, రష్మిక మందన్న లెజిమ్ <<15278092>>డాన్స్<<>> సీన్‌ను తొలగించేందుకు సినిమా యూనిట్ సిద్ధమైంది. మహారాష్ట్ర మంత్రులు, చరిత్రకారుల అభ్యంతరాల మేరకు ఈ నిర్ణయం తీసుకున్నామని డైరెక్టర్ లక్ష్మణ్ ఉఠేకర్ అన్నారు. అంతకు ముందే ఆయన MNS అధినేత రాజ్‌ఠాక్రేను కలిశారు. ఛత్రపతీ శివాజీ మహారాజ్‌పై వచ్చిన ఛావా పుస్తకాల ఆధారంగా ఈ సినిమాను రూపొందించారు. ఆయన ఘనతను ప్రపంచానికి తెలియజేయడమే తమ ఉద్దేశమని చెప్పారు.
News January 27, 2025
రష్మిక మందన్న కొత్త సినిమాకు బ్యాన్ భయం!
ఛత్రపతి శంభాజీ మహారాజ్ జీవితం ఆధారంగా రూపొందించిన ‘ఛావా’కు చిక్కులు ఎదురవుతున్నాయి. విక్కీ కౌశల్, రష్మిక జంటగా నటించిన ఈ సినిమాను ముందుగా చరిత్రకారులకు చూపించాలని MH మంత్రి ఉదయ్ సమంత్ డిమాండ్ చేశారు. వారు సరే అన్నాకే విడుదల చేయాలన్నారు. లేదంటే నిషేధం తప్పదని హెచ్చరించారు. శంభాజీ రాజే డాన్స్ సీన్‌పైనా అభ్యంతరం చెప్పారు. ఆ సీన్ తొలగించాలని, ఆయన గౌరవానికి భంగం కలిగితే తీవ్ర పరిణామాలు తప్పవన్నారు.
News January 27, 2025
WARNING: క్రోమ్ బ్రౌజర్ వాడుతున్నారా..
గూగుల్ క్రోమ్ యూజర్లకు CERT-In వార్నింగ్ ఇచ్చింది. బ్రౌజర్‌ను వెంటనే అప్డేట్ చేసుకోవాలని సూచించింది. విండోస్, మాక్, క్రోమ్ బుక్‌లోని 132.0.6834.110/111 ముందు వెర్షన్లతో ముప్పు ఉందని తెలిపింది. CIVN-2025-0007 , CIVN-2025-0008 థ్రెట్స్‌ను గుర్తించామని పేర్కొంది. వీటి ఆధారంగా సైబర్ నేరగాళ్లు దాడి చేయొచ్చని, వ్యక్తిగత డేటాను యాక్సెస్ చేయొచ్చని హెచ్చరించింది. మొబైల్ బ్రౌజర్‌నూ అప్డేట్ చేసుకోవాలంది.
News January 27, 2025
ఫ్రీ కోచింగ్.. నెలకు రూ.1,500
RRB, SSC, బ్యాంకింగ్ పరీక్షల ఉచిత కోచింగ్ కోసం తెలంగాణ బీసీ స్టడీ సర్కిల్ దరఖాస్తులు ఆహ్వానిస్తోంది. గ్రామీణ ప్రాంతాల్లో రూ.1.50 లక్షలు, పట్టణాల్లో రూ.2లక్షల లోపు వార్షికాదాయం ఉండాలి. డిగ్రీ, ఇంటర్‌ మార్కుల ఆధారంగా ఎంపిక చేస్తారు. 100 రోజుల కోచింగ్‌కు నెలకు రూ.1500 స్టైఫండ్ ఇస్తారు. అప్లై చేయడానికి చివరి తేదీ ఫిబ్రవరి 9. వెబ్సైట్: <
News January 27, 2025
#stockmarketcrash: ₹9 లక్షల కోట్లు మటాష్!
గ్లోబల్ మార్కెట్ల నుంచి నెగటివ్ సిగ్నల్స్‌కు తోడు ChatGPTకి పోటీగా చైనా ఫ్రీగా DeepSeekను తీసుకురావడంతో స్టాక్‌మార్కెట్లు రక్తమోడుతున్నాయి. కొలంబియాపై ట్రంప్ 25% టారిఫ్స్ విధించడం, ఆసియా సూచీలు ఎరుపెక్కడంతో భారత సూచీలు కుదేలయ్యాయి. నిఫ్టీ 230, సెన్సెక్స్ 800pts పతనమవ్వడంతో ఇన్వెస్టర్లు రూ.9లక్షల కోట్ల మేర సంపదను కోల్పోయారు. మదుపరులు ప్రీబడ్జెట్ ర్యాలీ ఆశిస్తే మార్కెట్లేమో చుక్కలు చూపిస్తున్నాయి.
News January 27, 2025
BREAKING: YS జగన్‌కు బిగ్ రిలీఫ్
AP: మాజీ సీఎం జగన్‌పై డిప్యూటీ స్పీకర్ రఘురామ కృష్ణరాజు దాఖలు చేసిన పిటిషన్లను సుప్రీంకోర్టు తిరస్కరించింది. జగన్ బెయిల్ రద్దు, వేరే ధర్మాసనానికి కేసు విచారణను బదిలీ చేయాలని RRR గతంలో పిటిషన్లు వేశారు. వీటిపై ప్రత్యేకంగా విచారణ అవసరం లేదని సుప్రీంకోర్టు వ్యాఖ్యానించడంతో RRR తన పిటిషన్లను వెనక్కి తీసుకున్నారు.
Featured News
Sorry, no posts matched your criteria.