News February 10, 2025
సర్పంచ్ పదవికి రూ.27 లక్షలు!
TG: స్థానిక సంస్థల ఎన్నికలకు నోటిఫికేషన్ రాకముందే కొన్ని గ్రామాల్లో ఎలక్షన్ సందడి నెలకొంది. జోగులాంబ గద్వాల(D) గోకులపాడులో సర్పంచ్ పదవికి వేలం నిర్వహించగా, భీమరాజు అనే వ్యక్తి రూ.27.60 లక్షలకు వేలంపాట పాడారు. ఈ డబ్బును శివాలయం నిర్మాణానికి ఖర్చు చేయాలని గ్రామస్థులు తీర్మానం చేశారు. అయితే భీమరాజుకు ముగ్గురు పిల్లలు ఉండటంతో ఎలక్షన్ రూల్ ప్రకారం ఆయనకు ఈ పదవి దక్కుతుందో లేదో అనే చర్చ జరుగుతోంది.
Similar News
News February 18, 2026
Lupus: మీలో ఈ లక్షణాలు ఉన్నాయా?
కొందరిలో రోగనిరోధక వ్యవస్థ గాడితప్పి హానికారకాలకు, ఆరోగ్య కణజాలానికి మధ్య తేడాను గుర్తించలేదు. దీంతో యాంటీబాడీలు మన శరీర కణజాలం మీదే దాడి చేస్తాయి. దీన్నే లూపస్ అంటారు. ఇదొక ఆటోఇమ్యూన్ డిసీజ్. లూపస్తో బాధపడేవారు చూడటానికి ఆరోగ్యంగానే కనిపిస్తారు. నిస్సత్తువ, జ్వరం, నోట్లో పుండ్లు వంటి లక్షణాలు ఉంటాయి. కానీ జబ్బు నిర్ధరణ అయ్యేసరికే గుండె, ఊపిరితిత్తులు, కిడ్నీ వంటి అవయవాలు దెబ్బతింటాయి.
News February 18, 2026
Lupus: ఈ సమస్య ఆడవారిలోనే ఎక్కువ
లూపస్ వ్యాధి బాధితుల్లో 90% మంది మహిళలే. సంతానోత్పత్తి సమయంలో దీని ప్రభావం ఎక్కువగా ఉంటుంది. స్త్రీ హార్మోన్లు చురుకుగా ఉండటమే దీనికి కారణమని పరిశోధకులు భావిస్తున్నారు. దీన్ని నిర్ధారించడానికి న్యూక్లియర్ యాంటీబాడీ, డబుల్స్ట్రాండ్ DNA, రక్తంలో C3, C4 ప్రొటీన్లు.. యాంటీఫాస్ఫోలిపిడ్ యాంటీబాడీ పరీక్షలు చేస్తారు. ఫలితాలను బట్టి చికిత్స ఉంటుంది. క్రమంతప్పకుండా మందులు వాడితే ఏ ప్రమాదం ఉండదు.
News February 18, 2026
పవన్ కళ్యాణ్ కాన్వాయ్కు ప్రమాదం
AP: డిప్యూటీ సీఎం పవన్ కళ్యాణ్ కాన్వాయ్ ప్రమాదానికి గురైంది. ఆయన్ను పికప్ చేసుకునేందుకు విశాఖలోని సిరిపురం నుంచి పెద్దవాల్తేరు వెళ్తుండగా కాన్వాయ్లోని ఓ వాహనం సడన్ బ్రేక్ వేయడంతో ఒకదానికొకటి ఢీకొన్నాయి. దీంతో చివరి వాహనం దెబ్బతింది. ప్రమాద సమయంలో కాన్వాయ్లో పవన్ లేకపోవడం, ఎవరికీ ఎలాంటి ప్రమాదం జరగకపోవడంతో అధికారులు ఊపిరి పీల్చుకున్నారు.