News October 30, 2025

వరద ప్రాంతాల్లో సిబ్బంది సెలవులు రద్దు

TG: వరదలు ముంచెత్తిన ప్రాంతాల్లో ప్రభుత్వం యుద్ధప్రాతిపదికన సహాయక చర్యలను చేపట్టింది. హైడ్రా, SDRF బృందాలతోపాటు బోట్లు, ఇతర సామగ్రిని తక్షణమే ఆ ప్రాంతాలకు పంపాలని CS, DGPలకు CM రేవంత్ సూచించారు. ఆ ప్రాంతాల్లోని ప్రభుత్వ సిబ్బంది సెలవులను రద్దుచేయాలని ఆదేశించారు. ముంపులో ఉన్న వారిని సురక్షిత ప్రాంతాలకు తరలించాలని, ఇళ్ల పైకప్పులపై చిక్కుకున్న వారికి డ్రోన్ల ద్వారా ఆహారం అందించాలని చెప్పారు.