News November 5, 2024
సీనియర్ IPSకు బెదిరింపులు.. కుమార స్వామిపై కేసు నమోదు
కేంద్ర మంత్రి కుమార స్వామి, అయ‌న కుమారుడు నిఖిల్‌పై బెంగ‌ళూరు పోలీసులు కేసు నమోదు చేశారు. అక్రమ మైనింగ్ అనుమతుల మంజూరు కేసులో దర్యాప్తు చేస్తున్నత‌న‌ను కుమార స్వామి బ‌హిరంగంగా బెదిరించార‌ని ఆరోపిస్తూ సిట్ చీఫ్, ADGP చంద్రశేఖర్ ఈ ఫిర్యాదు చేశారు. త‌న‌పై త‌ప్పుడు ఆరోప‌ణ‌లు చేయ‌డ‌మే కాకుండా క‌ర్ణాట‌క క్యాడ‌ర్‌ నుంచి మరో క్యాడర్‌కు బదిలీ చేయిస్తాన‌ని బెదిరించిన‌ట్టు ఫిర్యాదులో పేర్కొన్నారు.
Similar News
News December 4, 2024
అన్నీ పెండింగ్‌లోనే ఉన్నాయి: జగన్
AP: కూటమి ప్రభుత్వంపై 6 నెలల్లోనే ప్రజల నుంచి వ్యతిరేకత వచ్చిందని YCP అధినేత జగన్ అన్నారు. పార్టీ నేతల సమావేశంలో మాట్లాడుతూ ‘సూపర్ 6 అమలుపై ప్రభుత్వాన్ని ప్రజలు ప్రశ్నిస్తున్నారు. ఫీజు రీయింబర్స్‌మెంట్, వసతి దీవెన, ఆరోగ్య శ్రీ బకాయిలు, 104, 108 సిబ్బందికి జీతాలు పెండింగ్‌లో ఉన్నాయి. కరెంటు ఛార్జీలు పెంచారు. ప్రజలపై మరింత భారం మోపేందుకు సిద్ధమయ్యారు. ప్రశ్నిస్తే కేసులు పెడుతున్నారు’ అని ఆరోపించారు.
News December 4, 2024
WTC: తొలి రెండు స్థానాల్లో IND, SA
WTC పాయింట్స్ టేబుల్‌లో టీమ్ ఇండియా తొలి స్థానంలో కొనసాగుతోంది. SA రెండో స్థానానికి ఎగబాకగా, AUS మూడో స్థానానికి పడిపోయింది. తర్వాతి స్థానాల్లో వరుసగా SL, NZ, ENG, PAK, BAN, WI ఉన్నాయి. IND, SA, AUSలో ఏవైనా రెండు జట్లు ఫైనల్‌కు వెళ్లే ఛాన్స్ ఉంది. BGT సిరీస్ తర్వాత దీనిపై స్పష్టత రానుంది. WIపై BAN గెలవడం, స్లో ఓవర్ రేట్ కారణంగా NZ, ENGకు పాయింట్లలో ICC కోత విధించడంతో ర్యాంకింగ్స్‌ మారాయి.
News December 4, 2024
రేపు ముంబై వెళ్లనున్న సీఎం చంద్రబాబు
AP సీఎం చంద్రబాబు రేపు ముంబై వెళ్లనున్నారు. ఆజాద్ మైదానంలో జరిగే మహారాష్ట్ర సీఎం, మంత్రివర్గ ప్రమాణ స్వీకార కార్యక్రమంలో పాల్గొననున్నారు. ముంబై రావాలని NDA నేతల నుంచి ఆహ్వానం అందడంతో ఆయన పర్యటన ఖరారైంది.