News April 30, 2024
మా గొంతులు నీటితో తడపండి.. మద్యంతో కాదు!
AP: పోలింగ్ తేదీ సమీపిస్తున్న వేళ ‘మద్యంతో కాదు నీటితో మా గొంతులు తడపండి’ అనే సందేశాన్ని ఓటర్లు వైరల్ చేస్తున్నారు. ‘నాయకులారా. మీకు ఓట్లు కావాలంటే.. మాకు నీళ్లు కావాలి. మా పంటలు పండితేనే.. మీకు ఓట్లు రాలుతాయి’ అంటూ పల్నాడు జిల్లా గుమ్మనంపాడు వాసులు దీన్ని షేర్ చేస్తున్నారు. తాగునీటి సమస్యకు తక్షణ పరిష్కారమే తమ డిమాండ్ అంటూ పార్టీల అభ్యర్థులకు ఈ సందేశం చేరేలా వాట్సాప్లో ప్రచారం చేస్తున్నారు.
Similar News
News December 12, 2025
100 KGలకు పైగా బరువు పెరిగే మేకలివి
ప్రపంచంలోనే అధిక మాంసోత్పత్తికి ప్రసిద్ధి చెందాయి బోయర్ జాతి మేకలు. ఇవి దక్షిణాఫ్రికాకు చెందినవి. అతి వేగంగా బరువు పెరగడం, నాణ్యమైన రుచిగల మాంసం, దృఢమైన శరీర నిర్మాణం ఈ మేకల ప్రత్యేకత. ఇవి కేవలం 3 నెలల్లోనే 20 కిలోలు, ఏడాదికి 70KGలకు పైగా బరువు పెరుగుతాయి. వీటిలో మగ మేకలు గరిష్ఠంగా 110-125 కిలోలు, ఆడ మేకలు 90-100 కిలోల బరువు పెరుగుతాయి. ఈ మేకల గురించి మరింత సమాచారానికి <<-se_10015>>పాడిపంట<<>> క్లిక్ చేయండి.
News December 12, 2025
కలిసొచ్చిన నిబంధన తొలగింపు.. సర్పంచ్గా గెలుపు
TG: పంచాయతీ ఎన్నికల్లో ముగ్గురు పిల్లల నిబంధన ఎత్తివేయడం పలువురికి కలిసొచ్చింది. గతంలో ఇద్దరు పిల్లలకు మించి ఉంటే ఎలక్షన్స్లో పోటీ చేసేందుకు అవకాశం ఉండేది కాదు. ఆ నిబంధనను ప్రభుత్వం ఎత్తివేయడంతో ఇద్దరి కంటే ఎక్కువ మంది పిల్లలున్న వారు ఎన్నికల బరిలో నిలిచారు. నిన్న జరిగిన తొలి విడత ఎన్నికల్లో జనగామ(D) కొత్తపల్లి సర్పంచ్గా ముక్కెర స్వరూప రవికుమార్ ఎన్నికయ్యారు. వారికి నలుగురు పిల్లలు ఉన్నారు.
News December 12, 2025
AP న్యూస్ రౌండప్
* నిధుల దుర్వినియోగం కేసులో IPS సంజయ్ బెయిల్ పిటిషన్పై ACB కోర్టు ఈ నెల 15న తీర్పు ఇవ్వనుంది.
* చంద్రబాబుపై ఫైబర్నెట్ కేసును మూసేయడాన్ని సవాల్ చేస్తూ YCP నేత గౌతమ్ రెడ్డి వేసిన పిటిషన్కు విచారణార్హత లేదని ACB కోర్టు వెల్లడించింది.
* నెల్లూరుకు చెందిన లేడీ డాన్ అరుణపై పోలీసులు PD యాక్ట్ నమోదు చేశారు.
* ఈ నెల 10న ఒక్కరోజే 1,46,607 టన్నుల ధాన్యం కొనుగోలుతో రికార్డు సృష్టించాం: మంత్రి నాదెండ్ల