News April 14, 2025
అంబేడ్కర్ జయంతి వేడుకల్లో పాల్గొనాలి: కలెక్టర్
నవభారత రాజ్యాంగ నిర్మాత డాక్టర్ బీఆర్ అంబేడ్కర్ 134వ జయంతి వేడుకల్లో అందరూ భాగస్వాములు కావాలని కలెక్టర్ వెట్రిసెల్వి అన్నారు. ఈనె14న 134వ అంబేడ్కర్ జయంతి వేడుకలు ఏలూరు జిల్లా సాంఘిక సంక్షేమ శాఖ ఆధ్వర్యంలో గోదావరి సమావేశ మందిరంలో జరుగుతాయన్నారు. సోమవారం ఉదయం 9 గంటల నుండి 11 గంటల వరకు నిర్వహించనున్నారు. ఈ కార్యక్రమంలో సామాజికవేత్తలు, ప్రజా ప్రతినిధులు, విద్యార్థులు పాల్గొవాలని కలెక్టర్ కోరారు.
Similar News
News November 30, 2025
పోచారంతండా: సర్పంచి అభ్యర్థి.. బాండ్ పేపర్
పెద్ద కొడప్గల్ మండలంలో ఎన్నికల ప్రచారం జోరందుకుంది. వివిధ పార్టీల నుంచే కాకుండా స్వతంత్ర అభ్యర్థులు నామినేషన్ వేయడానికి సిద్ధమవుతున్నారు. మండలంలోని పోచారం తండాకు చెందిన పవార్ సుమిత్ర వినూత్న ప్రచారం చేస్తున్నారు. పేదల కోసం సర్పంచిగా పని చేస్తానని, ప్రస్తుతం తన ఆస్తులకు మించి అక్రమ ఆస్తులు సంపాదించనని బాండ్ పేపర్‌పై రాసి ప్రచారం చేస్తున్నారు. ఆమె డిగ్రీ పూర్తి చేశారు.
News November 30, 2025
తిరుపతి: రైలులో బిడ్డకు జన్మనిచ్చిన మహిళ
రైలులో శనివారం సాయంత్రం ఓ మహిళ మగ బిడ్డకు జన్మనిచ్చిన ఘటన సూళ్లూరుపేటలో జరిగింది. RPF పోలీసుల కథనం మేరకు.. బెంగుళూరు నుంచి దానాపూర్ వెళ్లే రైలు సూళ్లూరుపేట వద్దకు రాగానే అందులో ప్రయాణిస్తున్న మహిళకు పురిటి నొప్పులు వచ్చాయి. దీంతో రైలును అత్యవసరంగా నిలిపివేశారు. 108 వాహనం వచ్చేలోపే ఆమె మగ బిడ్డను ప్రసవించింది. RPF పోలీసులు తల్లి, బిడ్డను ప్రభుత్వ ఆసుపత్రికి తరలించి చికిత్స అందిస్తున్నారు.
News November 30, 2025
MHBD: ముగిసిన తొలి దశ నామినేషన్ స్వీకరణ
జిల్లా వ్యాప్తంగా తొలి దశ నామినేషన్ స్వీకరణ శనివారంతో ముగిసింది. తొలి దశ ఎన్నికలకు సంబంధించి ఆయా గ్రామ పంచాయతీ పరిధిలో 155 సర్పంచ్ స్థానాలకు 1239, వార్డ్ మెంబర్ స్థానాలకు 3,496 అభ్యర్థులు నామినేషన్లు దాఖలు చేసినట్లు అధికారులు ప్రకటించారు. కాగా, ఆదివారం నుంచి రెండో దశ పంచాయతీ ఎన్నికల నామినేషన్లు షెడ్యూల్ పరిధిలోని నిర్ణీత పంచాయతీలో అధికారులు స్వీకరిస్తారు.