India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News October 8, 2024
నందిగం సురేశ్‌పై హత్య కేసు.. నేపథ్యమిదే.!
మాజీ MP నందిగం సురేశ్‌పై నమోదైన హత్య కేసులో సోమవారం రిమాండ్ విధించిన విషయం తెలిసిందే. 2020లో వెలగపూడిలో 2వర్గాల మధ్య జరిగిన రాళ్ల దాడిలో వృద్ధురాలు మృతిచెందింది. ఆ సమయంలో వృద్ధురాలి బంధువులు రోడ్డుపై బైఠాయించి.. ఘర్షణను నందిగం సురేశ్ ప్రోత్సహించారని, కేసు నమోదు చేయాలని ధర్నాకు దిగారు. అప్పుడు కేసు నమోదు కాగా, ఇటీవల మృతురాలి బంధువులు మరోసారి పోలీసులను ఆశ్రయించడంతో విచారణ వేగవంతమైంది.
News October 8, 2024
నేడు లేదా రేపు TDPలోకి మోపిదేవి వెంకటరమణ..?
YCP మాజీ ఎంపీ మోపిదేవి వెంకటరమణ నేడు లేదా రేపు TDP తీర్థం పుచ్చుకోనున్నట్లు తెలుస్తోంది. సొంత నియోజకవర్గమైన రేపల్లె, విజయవాడలోని తన సామాజికవర్గ నేతలతో చర్చించి నిర్ణయం తీసుకున్నట్లు సమాచారం. ఉండవల్లిలోని ముఖ్యమంత్రి నివాసంలో ఆయన TDP కండువా కప్పుకోనున్నారు. వైఎస్ రాజశేఖర్ రెడ్డి, కిరణ్ కుమార్ రెడ్డి సీఎంలుగా ఉన్న హయాంలో మోపిదేవి మంత్రిగా పనిచేశారు. ఇటీవల ఆయన YCPకి రాజీనామా చేసిన విషయం తెలిసిందే.
News October 8, 2024
తుళ్ళూరు: కుటుంబ కలహాల నేపథ్యంలో ఘర్షణ
కుటుంబ కలహాల నేపథ్యంలో ఘర్షణ జరిగిన ఘటన తుళ్ళూరులో చోటుచేసుకుంది. పోలీసుల వివరాల ప్రకారం.. గ్రామానికి చెందిన కంభంపాటి శేషగిరిరావు, పావని దంపతులు. కొంతకాలంగా అత్త, కోడలికి మధ్య వైరం నడుస్తోంది. ఈ క్రమంలో ఆదివారం కోడలి తరఫు బంధువులు, అత్తవైపు వారు గొడవ పడ్డారు. ఈ ఘర్షణలో కోడలు అత్త చెవి కొరకడంతో సగభాగం ఊడి కింద పడిపోయింది. గుంటూరు ఆస్పత్రికి తీసుకెళ్లినా అతికించలేమని వైద్యులు చెప్పారు.
News October 8, 2024
నేటి నుంచి ANUలో రాష్ట్ర స్థాయి సీనియర్ ఫుట్‌బాల్ ఛాంపియన్షిప్
ఆచార్య నాగార్జున విశ్వవిద్యాలయం ప్రాంగణంలో మంగళవారం నుంచి 4రోజులు రాష్ట్ర స్థాయి అంతర్ జిల్లాల సీనియర్ పురుషుల ఫుట్ బాల్ ఛాంపియన్షిప్ నిర్వహిస్తామని ఆ సంఘం కార్యదర్శి ప్రదీప్ తెలిపారు. ఈ ఛాంపియన్షిప్లో రాష్ట్రంలోని 26 జిల్లాలకు చెందిన పురుషుల జట్లు పాల్గొంటాయన్నారు. లీగ్ కమ్ నాకౌట్ పద్ధతిలో జరిగే ఈ పోటీల్లో ప్రతిభ గల క్రీడాకారులను రాష్ట్ర జట్టుకు ఎంపిక చేస్తారన్నారు.
News October 7, 2024
గుంటూరు: కిడ్నాన్‌నకు గురైన చిన్నారి ఆచూకీ లభ్యం
గుంటూరు ప్రభుత్వ ఆసుపత్రిలో <<14296760>>అపహరణకు గురైన పసికందు<<>> ఆచూకీ లభ్యమైంది. ఘటన పోలీసుల దృష్టికి వచ్చిన గంటల వ్యవధిలోనే పోలీసు ఉన్నతాధికారుల ఆదేశాల మేరకు కొత్తపేట సీఐ సోమయ్య ప్రత్యేక బృందాలను ఏర్పాటు చేసి జిల్లా నలుమూలల జల్లెడ పట్టారు. దీంతో అచ్చంపేట మండలం కోనూరులో బిడ్డ ఆచూకీ లభ్యమైంది. మరో గంటలో ఆ బిడ్డను పోలీసులు తల్లి ఒడికి చేర్చనున్నారు. బిడ్డ దొరకడంతో కుటుంబ సభ్యులు హర్షం వ్యక్తం చేస్తున్నారు.
News October 7, 2024
అమరావతి: టమాటా, ఉల్లి ధరల పెరుగుదలపై సమీక్ష
టమాటా, ఉల్లి ధరలు పెరుగుదల అంశంపై అమరావతి సచివాలయంలో మంత్రి అచ్చెన్నాయుడు సమీక్ష నిర్వహించారు. మార్కెటింగ్ శాఖ ఆధ్వర్యంలో టమాట, ఉల్లి కొనుగోళ్లు చేసి రైతు బజార్లలో విక్రయించాలని ఆదేశాలు జారీ చేశారు. ధరల పెరుగుదలను నియంత్రించి సాధారణ ధరలకు విక్రయించే విధంగా చర్యలు తీసుకోవాలని అచ్చెన్నాయుడు సూచించారు.
News October 7, 2024
గుంటూరు: డిప్లొమా పరీక్షల టైంటేబుల్ విడుదల
ఆచార్య నాగార్జున యూనివర్సిటీ(డిస్టెన్స్)పరిధిలో ఫుడ్ ప్రొడక్షన్, సైకలాజికల్ గైడెన్స్&కౌన్సెలింగ్‌లో డిప్లొమా కోర్సులు చదివే విద్యార్థులు రాయాల్సిన ఇయర్ ఎండ్ పరీక్షల షెడ్యూల్ విడుదలైంది. ఈ పరీక్షలు ఈ నెల 27 నుంచి నవంబర్ 1 మధ్య నిర్ణీత తేదీలలో మధ్యాహ్నం 2 నుంచి సాయంత్రం 5 గంటల వరకు జరుగుతాయని వర్సిటీ పరీక్షల విభాగం తెలిపింది.
News October 7, 2024
టీడీపీలోకి మోపిదేవి.. ముహూర్తం ఫిక్స్..?
వైసీపీ మాజీ ఎంపీ మోపిదేవి వెంకటరమణ టీడీపీలో చేరబోతున్నట్లు ప్రకటించారు. రేపల్లె నియోజకవర్గ కార్యకర్తలు, అభిమానులతో చర్చించిన అనంతరం ఆయన ఈ నిర్ణయం తీసుకున్నట్లు తెలుస్తోంది. ఈ నెల 9న ఆయన సీఎం చంద్రబాబు సమక్షంలో ఆయన టీడీపీలో చేరతారని అభిమానులు చెబుతున్నారు. ఈ మేరకు ఏర్పాట్లు చేసుకుంటున్నట్లుగా విశ్వసనీయ సమాచారం. వైసీపీ రాజ్యసభ సభ్యత్వానికి ఆయన ఇటీవల రాజీనామా చేసిన సంగతి తెలిసిందే.
News October 7, 2024
గుంటూరులో త్వరలో ఫుడ్ కోర్టులు.?
గుంటూరులో త్వరలో ఫుడ్ కోర్టులు ఏర్పాటుకు GMC అధికారులు కసరత్తు చేస్తున్నట్లు సమాచారం. ఇతర ప్రాంతాల నుంచి వచ్చిన వారికి రాత్రి 10 గంటల తర్వాత భోజనం, టిఫిన్, హోటల్‌లు అందుబాటులో ఉండకపోవడంతో ఈ నిర్ణయం తీసుకున్నట్లు తెలుస్తోంది. తెల్లవారుజామున 2 గంటల వరకు ఆహార ప్రియులు కోరుకున్న పదార్థాలు ఒకే చోట లభ్యమయ్యేలా ఏర్పాటు చేయనున్నారు. 4ఏళ్ల కిందట ఫుడ్ కోర్టులు ఏర్పాటు చేసినా కరోనాతో అవి కనుమరుగయ్యాయి.
News October 7, 2024
కొల్లూరు: కృష్ణానదిలో యువకుడి గల్లంతు
కృష్ణా నది తీరానికి వచ్చిన ఓ యువకుడు నదిలో మునిగి గల్లంతైన ఘటన ఆదివారం కొల్లూరులో చోటుచేసుకుంది. పోలీసుల వివరాలు మేరకు.. తెనాలి బీసీ కాలనీకి చెందిన నరేశ్(20)మరో ఆరుగురు నది తీరానికి వచ్చి ఆడుకుంటున్నారు. ఈ క్రమంలో నీటి ప్రవాహానికి బాల్ కొద్ది దూరం కొట్టుకొని వెళ్లడంతో తీసుకొచ్చేందుకు వెళ్లిన నరేశ్ కొట్టుకుపోయాడు. సమాచారం అందుకున్న పోలీసులు అక్కడికి చేరుకొని యువకుడి కోసం గాలింపు చర్యలు చేపట్టారు.
Featured News
Sorry, no posts matched your criteria.