India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News October 11, 2024
నల్గొండ: తెల్లబోతున్న పత్తి రైతులు..!
పత్తికి సరైన ధర దక్కక రైతులు దిగులు చెందుతున్నారు. ఏటా పెట్టుబడి బారం, సాగు ఖర్చులు పెరుగుతున్నాయి. ఈ ఏడాది ప్రారంభంలో సరిగా వర్షాలు పడక.. కాలం కలిసి రాక దిగుబడి అంతంత మాత్రంగానే ఉంటుంది. వచ్చిన ఆ కొద్ది పాటి పంటను తీసుకుందామంటే వరుసగా కురుస్తున్న వర్షాలతో పత్తి తడిచి చేనులోనే మొలకలు వస్తు న్నాయి. క్వింట పత్తి మొదట రూ.7000 -8000 ఉండగా.. ప్రస్తుతం రూ.5000-6000 కే పరిమితం అయింది.
News October 11, 2024
నల్గొండ: 11 మంది గ్రామపంచాయతీ కార్యదర్శులకు టీచర్ ఉద్యోగాలు
డీఎస్సీ -2024 పరీక్ష ఫలితాలు ఇటీవల ప్రభుత్వం విడుదల చేసింది. నల్గొండ జిల్లాలోని 11 మంది గ్రామపంచాయతీ కార్యదర్శులు ఉద్యోగాలు చేస్తూ డీఎస్సీ-2024కు ఎంపికయ్యారు. గ్రామపంచాయతీ కార్యదర్శులు గ్రామాలలో పారిశుద్ధ్య, నీటి సరఫరా, మొక్కల పెంపకం, ధ్రువీకరణ పత్రాలు, వీధి దీపాల నిర్వహణ చేసేవారు. ఎంపికైన 11 మంది గ్రామపంచాయతీ కార్యదర్శులు ఇకపై విద్యార్థులకు బడిలో పాఠాలు చెప్పనున్నారు.
News October 11, 2024
డీఎస్సీ-2024 కౌన్సిలింగ్‌కు ఆదేశాలు రాలేదు: డీఈఓ బిక్షపతి
డీఎస్సీ-2024 కౌన్సిలింగ్ విషయంపై ఇప్పటి వరకు ఉన్నతాధికారుల నుంచి మాకు ఎలాంటి సమాచారం లేదు అని డీఈఓ బిక్షపతి తెలిపారు. ప్రస్తుతం నియామక పత్రాలు అందుకున్న ఉపాధ్యాయులు తమ వద్ద రిపోర్టు చేస్తున్నారు. గురు, శుక్రవారాలు ఉపాధ్యాయుల రిపోర్టింగ్కు కు అవకాశం ఇచ్చాం అని అన్నారు. దసరాకు ముందు పోస్టింగ్ లు ఇచ్చే అవకాశం లేదు. కాబట్టి దసరా తర్వాతే కొత్త ఉపాధ్యాయులకు పోస్టింగ్‌లు ఇస్తాం అని పేర్కొన్నారు.
News October 11, 2024
ఉమ్మడి నల్గొండ జిల్లాకు 3 ఇంటిగ్రేటెడ్ రెసిడెన్షియల్ స్కూల్స్ మంజూరు
తెలంగాణ రాష్ట్ర ప్రభుత్వం ప్రతిష్ఠాత్మకంగా తీసుకున్న యంగ్ ఇండియా ఇంటిగ్రేటెడ్ రెసిడెన్షియల్ స్కూల్ నిర్మాణ పనులకు నేడు శంకుస్థాపన చేయనున్నారు. మొదటి విడతలో భాగంగా ఉమ్మడి నల్గొండ జిల్లాలోని నల్గొండ నియోజకవర్గం జీవీ గూడెం, తుంగతుర్తి నియోజకవర్గం తిరుమలగిరి మండలం తొండ, మునుగోడు నియోజకవర్గం కల్వకుంట్ల గ్రామంలో ఇండియా ఇంటిగ్రేటెడ్ రెసిడెన్షియల్ స్కూల్స్ నిర్మించనున్నారు.
News October 11, 2024
నల్లగొండ: ‘డీఎస్సీ- 2024 ఎంపికైన అభ్యర్థులు రిపోర్ట్ చేయాలి’
డీఎస్సీ-2024 లో ఎంపికైన అభ్యర్థులు 10,11 తేదీలలో నల్లగొండ జిల్లా కేంద్రంలోని జిల్లా విద్యాశాఖ కార్యాలయంలో రిపోర్ట్ చేయాలని విద్యాశాఖ అధికారి బి.బిక్షపతి తెలిపారు. డీఎస్సీ -2024 ఎంపికైన అభ్యర్థులు రిపోర్ట్ చేసే సమయంలో ఎల్బీ స్టేడియంలో అందించిన అపాయింట్ ఆర్డర్ జిరాక్స్ జత చేసి సంబంధిత కౌంటర్లు రిపోర్ట్ చేయాలని విద్యాశాఖ అధికారి బి.బిక్షపతి తెలిపారు.
News October 11, 2024
NLG: ఉమ్మడి జిల్లా వ్యాప్తంగా ఊరూరా సద్దుల బతుకమ్మ సందడి
ఉమ్మడి జిల్లా వ్యాప్తంగా ఈరోజు సద్దుల బతుకమ్మ పండుగను మహిళలు ఘనంగా నిర్వహించారు. ఎంగిలిపూల బతుకమ్మతో ప్రారంభమై 9 రోజులు పాటు మహిళలు తీరక్క పూలతో బతుకమ్మలు తయారుచేసి తెలంగాణ సంస్కృతి, సాంప్రదాయాలకు అనుగుణంగా ఆటపాటలతో బతుకమ్మలు ఆడారు. చివరి రోజు గురువారం జిల్లా వ్యాప్తంగా ఊరూరా బతుకమ్మ పండుగను వైభవంగా నిర్వహించారు. అనంతరం బతుకమ్మలను చెరువులు,కుంటలలో నిమజ్జనం చేశారు.
News October 10, 2024
ఉమ్మడి నల్లగొండ జిల్లాలో పర్యటించనున్న మంత్రి
నల్గొండ, మునుగోడు నియోజకవర్గాలలో రేపు మంత్రి కోమటిరెడ్డి వెంకటరెడ్డి పర్యటించనున్నారు. పర్యటన వివరాలు నల్గొండ సమీపంలోని గంధం వారి గూడెంలో యంగ్ ఇండియా – ఇంటిగ్రేటెడ్ రెసిడెన్షియల్ స్కూల్స్ నిర్మాణాల శంకుస్థాపన చేసిన తర్వాత మునుగోడు మండలం కల్వకుంట్ల గ్రామంలో పర్యటించిన తర్వాత నకిరేకల్ పట్టణంలో గౌడ సోదరులకు కాటమయ్య కిట్టును పంపిణీ చేయనున్నారు.
News October 10, 2024
గ్రేట్.. వలస కూలీగా వచ్చి కుమారుణ్ని టీచర్ చేసింది
వలస కూలీగా వచ్చిన మహిళ కష్టపడి కుమారుణ్ని టీచర్‌గా చేసింది. గ్రామస్థుల వివరాలిలా.. బట్టు లక్ష్మి కొన్నేళ్ల క్రితం రెడ్లకుంటకు వలస వచ్చింది. ఫ్యాక్టరీలో రోజువారీ కూలీగా పనిచేసింది. కుమారుడు వెంకటేశ్వర్లుని కష్టపడి చదివించింది. డీఎస్సీ ఫలితాల్లో అతను సూర్యాపేట జిల్లా 11వ ర్యాంకు సాధించాడు. కొడుకుని ప్రభుత్వ ఉపాధ్యాయుడిగా తీర్చిదిద్దిన లక్ష్మి ఎందరో మాతృమూర్తులకు ఆదర్శప్రాయంగా నిలిచింది.
News October 10, 2024
NLG: యాసంగి సాగు ప్రణాళిక ఖరారు
వ్యవసాయ శాఖ యాసంగి సాగు ప్రణాళికను ఖరారు చేసింది. వానాకాలం సీజన్ ముగియడంతో.. గత యాసంగి సీజన్లో జిల్లాలో 4,44,041 ఎకరాల్లో వరి, వేరుశనగ, పెసర తదితర పంటలు సాగు కాగా ప్రస్తుత యాసంగిలో 5.83 లక్షలకు పైగా ఎకరాల్లో వివిధ పంటల సాగు కానున్నట్లు అంచనాలు వేస్తున్నారు. ప్రస్తుతం ఉమ్మడి జిల్లాలో చెరువులు , కుంటల్లో నీరు సమృద్ధిగా ఉండడంతో సాగు విస్తీర్ణం పెరిగే అవకాశాలు ఎక్కువగా కనిపిస్తున్నాయి .
News October 10, 2024
చౌటుప్పల్‌లో ఒకే కుటుంబంలో ముగ్గురికి ఉద్యోగాలు
చౌటుప్పల్ మున్సిపాలిటీకి చెందిన అఫ్జల్ ఖాన్, ఖాజాబీ కుటుంబ సభ్యులు డీఎస్సీ ఫలితాలలో ఉద్యోగాలు సాధించారు. వారి కుమారులు జావిద్ ఖాన్ SGT, ఖాదీర్ ఖాన్ PGT ఇంగ్లిష్, కోడలు అసినా బేగం TGT Maths , గురుకులంలో ఉద్యోగాలు సాధించి సత్తా చాటారు. దీంతో గ్రామస్థులు అభినందనలు తెలిపారు. తండ్రి పాన్ షాప్ నడుపుతూ తమను బాగా చదివించినట్లు వారు తెలిపారు.
Featured News
Sorry, no posts matched your criteria.