News April 9, 2025
అనకాపల్లిలో 95% మూల్యాంకనం పూర్తి: డీఈవో

అనకాపల్లి జిల్లాలో పదవ తరగతి పరీక్షల పేపర్ల మూల్యాంకన ప్రక్రియ తుదిదశకు చేరినట్లు డీఈవో జి.అప్పారావు నాయుడు తెలిపారు. మంగళవారం అనకాపల్లిలో ఆయన మాట్లాడుతూ.. మూడు కేంద్రాల్లో ఈనెల మూడో తేదీ నుంచి మూల్యాంకన ప్రక్రియ జరుగుతుందన్నారు. జిల్లాకు 1,66,237 జవాబు పత్రాలు వచ్చాయన్నారు. 594 మంది ఉపాధ్యాయులు మూల్యాంకనంలో పాల్గొంటున్నట్లు పేర్కొన్నారు. 95 శాతం మూల్యాంకనం పూర్తయిందన్నారు.
Similar News
News November 29, 2025
కరీంనగర్: మాజీ కార్పొరేటర్ భార్య ఆత్మహత్య

KNR నగరంలో ఓ మాజీ కార్పొరేటర్ భార్య ఆరోగ్య సమస్యలతో ఎలుకల మందు తాగి ఆత్మహత్య చేసుకొని చికిత్స పొందుతూ మృతిచెందినట్లు 3 టౌన్ CI జాన్ రెడ్డి తెలిపారు. కిసాన్ నగర్కు చెందిన మాజీ కార్పొరేటర్ కుర్ర తిరుపతి భార్య తిరుమల(40) కొంతకాలంగా ఆరోగ్య సమస్యలతో బాధపడుతున్నారు. ఆసుపత్రులు చుట్టూ తిరిగితిరిగి నయం కాకపోవడంతో విసిగిపోయారు. బుధవారం పురుగుల మందు తాగగా ఆసుపత్రిలో చికిత్స పొందుతూ నిన్న ప్రాణాలు వదిలారు.
News November 29, 2025
మెదక్: డిసెంబర్ 1 నుంచి D.El.Ed పరీక్షలు

ఉమ్మడి మెదక్ జిల్లాలోని డీఎల్ఈడీ(D.El.Ed.) ప్రథమ సంవత్సరం పరీక్షలు డిసెంబర్ 1 నుంచి 6వ తేదీ వరకు నిర్వహించనున్నట్లు జిల్లా విద్యాశాఖాధికారులు తెలిపారు. ఈ పరీక్షలు ఉదయం 9 గంటల నుంచి మధ్యాహ్నం 12 గంటల వరకు జరుగుతాయని పేర్కొన్నారు. ఛాత్రోపాధ్యాయులు bse.telangana.gov.in వెబ్సైట్ ద్వారా తమ హాల్ టికెట్లను డౌన్లోడ్ చేసుకోవాలని సూచించారు. పరీక్షా కేంద్రాలకు సమయానికి చేరుకోవాలని కోరారు.
News November 29, 2025
BREAKING.. సారంగాపూర్: సర్పంచ్ పదవికి రూ.5.60 లక్షల వేలం

సారంగాపూర్ మం. మహవీర్ తండా గ్రామ పంచాయతీ సర్పంచ్ పదవికి వేలం నిర్వహించడం చర్చనీయాంశమైంది. ST మహిళకు రిజర్వ్ అయిన ఈ స్థానాన్ని, ఆ మహిళ కుటుంబ సభ్యులు ఏకంగా రూ.5.60 లక్షలకు వేలం పాడి దక్కించుకున్నారు. ఒకే పంచాయతీ పరిధిలో ఉన్న మహవీర్ నగర్, దుర్గనగర్ గ్రామాల్లో దాదాపు 500 మంది ఓటర్లు ఉన్నారు. 2 తండాల ప్రజలు సర్పంచ్ పదవిపై పోటీ పడగా, చివరకు వేలం నిర్వహించి మహవీర్ తండాకు చెందిన మహిళకు పదవి ఖరారు చేశారు.


