News March 1, 2025
అనకాపల్లి జిల్లాలో 93.61 శాతం పింఛన్ల పంపిణీ
అనకాపల్లి జిల్లాలో శనివారం సాయంత్రం వరకు 93.61 శాతం పింఛన్ల పంపిణీ పూర్తి చేసినట్లు డీఆర్డీఏ అధికారులు ఒక ప్రకటనలో తెలిపారు. జిల్లాలో ఎన్టీఆర్ పెన్షన్ భరోసా పథకం కింద 2,56,274 మందికి పింఛన్లు పంపిణీ చేయాల్సి ఉండగా 2,39,892 మందికి పంపిణీ చేసినట్లు పేర్కొన్నారు. పింఛన్ల పంపిణీలో సబ్బవరం మండలం మొదటి స్థానంలో ఉండగా పాయకరావుపేట చివరి స్థానంలో ఉంది.
Similar News
News November 29, 2025
సూర్యాస్తమయం తర్వాత గోళ్లు కత్తిరించుకోవచ్చా?
సూర్యాస్తమయం తర్వాత గోళ్లు కత్తిరించడం అపశకునమని హిందూ సంప్రదాయంలో భావిస్తారు. అయితే ఈ నియమం వెనుక ఓ కారణం ఉందని మీకు తెలుసా? పూర్వం విద్యుత్తు దీపాలు ఉండేవి కాదు. దీపాల వెలుగులో గోళ్లు కత్తిరించుకుంటే తెగడం, గాయాలు కావడం, కత్తిరించిన గోళ్లు ఎక్కడ పడ్డాయో తెలియకపోవడం జరిగేది. అలాగే పరిశుభ్రత కూడా లోపించేది. అందుకే ఈ ప్రమాదాలను నివారించడానికి, పరిశుభ్రతను పాటించడానికి ఈ నియమాన్ని పెట్టారు.
News November 29, 2025
కడప: భార్య కాపురానికి రాలేదని డెత్ సర్టిఫికెట్..ట్విస్ట్.!
కలసపాడు(M) దూలంవారిపల్లెకు చెందిన ఆదిలక్ష్మి కాపురానికి రాలేదని తన భర్త మారుతీరాజు డెట్ సర్టిఫికెట్ పంపినట్లు మహిళ పోలీసులకు ఫిర్యాదు చేసిన విషయం తెలిసిందే. అయితే ఇరు గ్రామాల పెద్దల జోక్యంతో వారి మధ్య రాజీ కుదిర్చారు. మనస్పర్థలు తొలగిపోవడంతో ఆదిలక్ష్మి తన ఫిర్యాదును వెనక్కి తీసుకుని భర్తతో కలిసి కాపురానికి వెళ్లినట్లు పోలీసులు తెలిపారు.
News November 29, 2025
టెక్కలి డివిజన్లోకి నందిగాం.. మీ అభిప్రాయమేంటి?
గతంలో నియోజకవర్గ పరిధి, డివిజినల్ కేంద్రమైన టెక్కలి పరిధిలో ఉన్న నందిగాం మండలంను గత ప్రభుత్వం కొత్తగా ఏర్పాటు చేసిన పలాస డివిజన్లో కలిపింది. ప్రస్తుతం ప్రభుత్వ ఆదేశాల మేరకు తిరిగి టెక్కలి డివిజన్ లో కలుపుతూ జిల్లా కలెక్టర్ స్వప్నిల్ దినకర్ పుండ్కర్ ప్రాథమిక నోటిఫికేషన్ జారీ చేశారు. ఏవైనా అభ్యంతరాలు, సూచనలు ఉంటే నెల రోజుల లోపు లిఖితపూర్వకంగా కలెక్టర్ కార్యాలయంలో నేరుగా దరఖాస్తు సమర్పించాలి.