News January 26, 2025
అనకాపల్లి జిల్లా ఆసుపత్రిలో డబ్బులు వసూలు..!
అనకాపల్లి జిల్లా ఆసుపత్రిని కలెక్టర్ విజయకృష్ణన్ శనివారం ఆకస్మికంగా తనిఖీ చేశారు. ప్రసూతి వార్డులో విధులు నిర్వహిస్తున్న మహిళా వైద్యాధికారిణి రోగుల నుంచి డబ్బులు వసూలు చేస్తున్నట్లు అందిన ఫిర్యాదుల మేరకు కలెక్టర్ విచారణ నిర్వహించారు. అనంతరం ఆ వైద్యాధికారిణిపై శాఖాపరమైన చర్యలు తీసుకోవాలని ఆదేశించారు. ప్రజలకు వైద్య సేవలు అందించడంలో నిర్లక్ష్యం వహిస్తే కఠిన చర్యలు తీసుకుంటామని హెచ్చరించారు.
Similar News
News November 25, 2025
₹5వేల నోటు రానుందా? నిజమిదే
RBI కొత్తగా ₹5వేల నోట్లను విడుదల చేయబోతోందన్న ప్రచారాన్ని PIB ఫ్యాక్ట్ చెక్ విభాగం ఖండించింది. ఈ ప్రచారంలో నిజం లేదని, ₹5,000 నోట్లకు సంబంధించి RBI ఎలాంటి నిర్ణయం తీసుకోలేదని స్పష్టం చేసింది. ఏదైనా ఫైనాన్షియల్ ఇన్ఫర్మేషన్ కోసం RBI సైట్‌ను విజిట్ చేయాలని సూచించింది. కాగా 2016లో కేంద్రం ₹500, ₹1000 నోట్లను డీమానిటైజ్ చేసి, ఆ తర్వాత ₹2,000 నోట్లను తీసుకొచ్చింది. వాటిని 2023 మేలో ఉపసంహరించుకుంది.
News November 25, 2025
సోన్: దుబాయ్‌లో భర్త హత్య.. భార్యకు టీచర్ ఉద్యోగం
దుబాయ్‌లో హత్యకు గురైన నిర్మల్ జిల్లా సోన్ గ్రామవాసి ప్రేమ్ సాగర్ భార్య ప్రమీలకు ప్రీ ప్రైమరీ టీచర్ ఉద్యోగం లభించింది. ఇటీవల సీఎం రేవంత్ రెడ్డి ఆదేశాల మేరకు సీఎం ప్రవాసి ఈ ప్రజావాణిలో ప్రభుత్వ నియమిత ఎన్నారై అడ్వైజరీ కమిటీ వైస్ చైర్మన్ మందా భీమ్ రెడ్డిని కలిసి వినతి పత్రం సమర్పించారు. సోమవారం ప్రమీల సోన్ మండలం కూచన్ పల్లిలో పాఠశాలలో ప్రీ ప్రైమరీ టీచర్‌గా ఉద్యోగంలో చేరారు.
News November 25, 2025
మెదక్: కార్మికులు బీమా సదుపాయాన్ని సద్వినియోగం చేసుకోవాలి: కలెక్టర్
మెదక్ జిల్లా కేంద్రంలోని కార్మిక శాఖ కార్యాలయంలో కార్మిక భీమా పెంపు పోస్టర్‌ను జిల్లా కలెక్టర్ రాహుల్ రాజ్ ఆవిష్కరించారు. ఈ సందర్భంగా కలెక్టర్ మాట్లాడుతూ.. కార్మికుల బీమా పెంపు సదస్సులు ఈ నెల 24 నుంచి వచ్చే నెల 8 వరకు నిర్వహిస్తున్నట్లు తెలిపారు. కార్మికులకు సహజ మరణం సంభవిస్తే ఒక లక్ష నుంచి రూ.2లక్షల వరకు పెంచినట్లు తెలిపారు.