News March 23, 2025
అనకాపల్లి: 4 ఎంపీపీ.. 2 వైస్ ఎంపీపీ ఎన్నికకు నోటిఫికేషన్

అనకాపల్లి జిల్లాలో ఈనెల 27న 4 MPP, 2 వైస్ ఎంపీపీ, ఒక కో ఆప్షన్ స్థానాలకు ఉప ఎన్నిక నిర్వహించనున్నట్లు ఉమ్మడి విశాఖ జిల్లా పరిషత్ సీఈవో పి నారాయణమూర్తి శనివారం తెలిపారు. ఎన్నికలకు సంబంధించి ఎంపీ, ఎమ్మెల్యే, ఎంపీటీసీలు, కోఆప్షన్ సభ్యులకు నోటీసు ద్వారా సమాచారం అందించినట్లు తెలిపారు. ఈనెల 27 ఉదయం 11 నుంచి మధ్యాహ్నం ఒంటిగంట లోపు నామినేషన్ల స్వీకరణ, పరిశీలన, ఉపసంహరణ అనంతరం ఎన్నిక జరుగుతుందన్నారు.
Similar News
News November 29, 2025
తుఫాన్ ఎఫెక్ట్: ఒంగోలులో కాల్ సెంటర్ ఏర్పాటు

తుఫాన్ హెచ్చరికల నేపథ్యంలో ఒంగోలు నగర పాలక సంస్థ పరిధిలోని అధికారులు, సిబ్బంది అప్రమత్తంగా ఉండాలని కమిషనర్ వెంకటేశ్వరరావు అన్నారు. ఒంగోలులోని నగర పాలక సంస్థ కార్యాలయంలో శనివారం కమిషనర్ అధికారులతో సమావేశం నిర్వహించారు. అనంతరం కమిషనర్ మాట్లాడుతూ.. తమ కార్యాలయంలో 08592-227766 నంబర్తో కాల్ సెంటర్ను ఏర్పాటు చేశామన్నారు. అలాగే రెస్క్యూ టీమ్ను కూడా ఏర్పాటు చేశామని తెలిపారు.
News November 29, 2025
డిసెంబర్ 1న పీజీఆర్ఎస్ కార్యక్రమం: కలెక్టర్

అనంతపురం జిల్లా కలెక్టరేట్లో డిసెంబర్ 1న ప్రజా సమస్యల పరిష్కార వేదిక కార్యక్రమం నిర్వహిస్తున్నట్లు కలెక్టర్ ఆనంద్ శనివారం ఒక ప్రకటనలో తెలిపారు. ఉదయం 9 నుంచి మధ్యాహ్నం ఒంటిగంట వరకు ఈ కార్యక్రమం ఉంటుందన్నారు. జిల్లా ప్రజలు తమ సమస్యలను అర్జీల ద్వారా అందజేయాలన్నారు. ఈ అవకాశాన్ని జిల్లా ప్రజలు సద్వినియోగం చేసుకోవాలని సూచించారు.
News November 29, 2025
ముగిసిన మొదటి విడత నామినేషన్ల ప్రక్రియ

జనగామ వ్యాప్తంగా గ్రామ పంచాయతీ ఎన్నికల మొదటి విడత నామినేషన్ల ప్రక్రియ ముగిసింది. శనివారం సాయంత్రం 5 గంటల వరకే నామినేషన్లు స్వీకరించారు. రేపు అధికారులు దాఖలైన నామినేషన్లను పరిశీలించి, అర్హత గల నామినేషన్ల జాబితాను విడుదల చేయనున్నారు. నామినేషన్లు ఉపసంహరించుకోవాలనుకునే వారు డిసెంబర్ 3 సాయంత్రం 3 గంటల లోపు ఉపసంహరించుకునే అవకాశం ఉంది.


